Litoŭca asudzili da 15 hadoŭ kałonii za pieravoz u Biełaruś narkotykaŭ
Sud Ašmianskaha rajona prysudziŭ hramadzianina Litvy Vandzisa Dalusa 15 hadoŭ kałonii pa abvinavačańni ŭ niezakonnym abarocie narkotykaŭ (častka 3 artykuła 328 KK) i niezakonnym pieramiaščeńni narkotykaŭ praź miažu (častka 2 artykuła 328-1 KK). Infarmacyja ab prysudzie źjaviłasia na sajcie Viarchoŭnaha suda, a imia było paznačana ŭ raskładzie pasiadžeńniaŭ.
Pavodle viersii abvinavačańnia, litoviec pryvioz ź Litvy ŭ Biełaruś 670 plitak hašyšu — 64 kiłahramy rečyva. Na pasiadžeńni abvinavačany svajoj viny nie pryznaŭ i skazaŭ, što ŭ studzieni jahony znajomy paprasiŭ jaho pryvieźci ŭ Biełaruś miedykamienty — preparaty dla pratezavańnia i pryhažości. Abvinavačany nibyta razumieŭ, što heta treba budzie zrabić tajemna, dla čaho pieradaŭ svoj aŭtamabil znajomamu.
Paśla litoviec, maŭlaŭ, nie ahladaŭ mašyny i pajechaŭ u bok Biełarusi. A na mytni z mašyny dastali plitki hašyšu.
Zrešty, padobny epizod u abvinavačanaha nie pieršy. Jašče ŭ 2002 hodzie rasijskaja «Niezavisimaja hazieta» pisała, što ŭ Maskvie ŭ taho ž Vandzisa Dalusa i inšaha hramadzianina Litvy Kazienasa Dalusa znajšli 0,7 kh kakainu.
Ciapier čytajuć
Pamierła 45-hadovaja eks-palitźniavolenaja Tamara Karavaj. Letaś jaje vyzvalili pa pamiłavańni13
Kamientary