Namieśnik ministra budaŭnictva padličyŭ, za jaki čas siaredniaja biełaruskaja siamja nibyta moža naźbirać na kvateru
Namieśnik ministra architektury i budaŭnictva Alaksandr Švajunoŭ daŭ intervju haziecie «7 dniej». Siarod inšaha jon zajaviŭ pra pavyšeńnie dastupnaści jakasnaha žytła dla biełarusaŭ.
Pa słovach Švajunova, pakazčyk dastupnaści vyražajecca ŭ mahčymaści siamji kupić za karotki čas kvateru. Pa raźlikach Ministerstva architektury i budaŭnictva, pry košcie 1 «kvadrata» 2566,9 rubla (kala $820) na kvateru płoščaj 54 kvadratnyja mietry možna naźbirać za 6,4 hoda.
Čynoŭnik śćviardžaje, što za apošni čas rost zarobkaŭ u Biełarusi apiaredžvaje rost siaredniaha koštu kvadratnaha mietra, pabudavanaha ź dziaržpadtrymkaj. Heta, pa słovach namieśnika ministra, śviedčyć ab dastupnaści žylla dla hramadzian, jakija znachodziacca na ŭliku tych, chto maje patrebu ŭ palapšeńni žyllovych umoŭ.
Partał Tochka.by źviarnuŭ uvahu na słovy čynoŭnika i praanalizavaŭ ich. Švajunoŭ dakładna mieŭ na ŭvazie nie Minsk, bo ŭ stalicy košt «kvadrata» ŭ novabudoŭli ŭ siarednim składaje kala $1300. Na rynku druhasnaha žytła — $1110 u trochpakajoŭcy i $1275 u dvuchpakajoŭcy.
Kvatera z ahučanaj namieśnikam ministra płoščaj budzie kaštavać kala 62 tysiač dalaraŭ. Adpaviedna, kab naźbirać na jaje za 6,4 hoda, štomiesiac treba adkładvać bolš za 800 dalaraŭ (kala 2500 rubloŭ).
Siaredni naličany (da vyliku padatkaŭ) zarobak u Minsku składaje 2598 rubloŭ, pa krainie — 1927 rubloŭ.
Čytajcie taksama:
Hrodziency ad śvitanku vystrojvajucca ŭ čerhi, kab nabyć novyja kvatery ad dziaržzabudoŭščyka. U čym pryčyna?
Inšaziemcy raskuplajuć biełaruskuju nieruchomuju majomaść
U Minsku i Hrodnie popyt na kvatery bje rekordy. Čamu tak adbyvajecca?
Ciapier čytajuć
Syna eks-kiraŭnika Bresckaj vobłaści asudzili za ŭdzieł u pratestach8
Kamientary