«Heta maštabny ŭsiebiełaruski prajekt dziaržaŭnaha značeńnia». Studenty BDU papracavali na ŭparadkavańni «Linii Stalina»
Studenty BDU ŭparadkavali terytoryju historyka-kulturnaha kompleksu «Linija Stalina». Ahulnaŭniviersiteckaja vałanciorskaja akcyja prajšła 22 žniŭnia z udziełam pradstaŭnikoŭ studenckaha aktyvu BRSM i pieršasnaj prafsajuznaj arhanizacyi studentaŭ BDU, centra vałanciorskaj dziejnaści, a taksama kiraŭnictva i supracoŭnikaŭ VNU, paviedamlaje pres-słužba ŭniviersiteta.
Padtrymaŭ studenckuju inicyjatyvu rektar BDU Andrej Karol. Jon adznačyŭ asablivuju važnaść hetaha mierapryjemstva. «Linija Stalina» — heta maštabny ŭsiebiełaruski prajekt dziaržaŭnaha značeńnia. Dla zachavańnia kompleksu nieacennym budzie ŭdzieł u takich akcyjach našaj moładzi, dy i ŭsich nieabyjakavych biełarusaŭ. Upeŭnieny, što našy chłopcy i dziaŭčaty siońnia taksama ŭnieśli peŭny ŭkład va ŭparadkavańnie i padtrymku kompleksu», — raspavioŭ rektar.
«Dałučajučy moładź da takich inicyjatyŭ, my stvarajem umovy, dzie jana moža dałučycca da historyi, prapuścić jaje trahičnyja staronki praź siabie i takim čynam vykazać padziaku zahinułym u hady Vialikaj Ajčynnaj vajny», — padzialiŭsia Andrej Karol.
Usiaho ŭdzielnikami mierapryjemstva stała kala 50 studentaŭ z usich fakultetaŭ BDU. Vałanciory prybrali terytoryju kompleksu, ačyścili ad travy i śmiećcia darožki, adramantavali častku ścien akopaŭ i inš.
Taksama ŭ ramkach pracoŭnaha dnia adbyŭsia tematyčny abied z sałdackaj kašaj i razmovy ŭ niefarmalnaj abstanoŭcy. Andrej Karol adkazaŭ na pytańni studentaŭ ab raźvićci moładzievych arhanizacyj, u pryvatnaści, razmova išła pra BRSM i padtrymku jaho novych prajektaŭ.
Akramia taho, dla ŭdzielnikaŭ mierapryjemstva pa naviadzieńni paradku praviali ahladnuju ekskursiju pa historyka-kulturnym kompleksie.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary
Tam jemu samoje miesto.