«Dzień apryčnika». Prankier Uładzisłaŭ Bochan znoŭ pravioŭ akcyju siarod piedahohaŭ, hetym razam na akupavanych terytoryjach Ukrainy
Były nastaŭnik historyi ź Biełarusi Uładzisłaŭ Bochan, viadomy svaimi prankierskimi akcyjami ŭ biełaruskich i rasijskich škołach, adspravazdačyŭsia pra novuju «ideałahičnuju dyviersiju» pad nazvaj «Dzień apryčnika». Hetym razam jaje abjektam stali piedahahičnyja kalektyvy škoł na terytoryjach Ukrainy, časova akupavanych rasijskimi vojskami.
Sutnaść akcyj Uładzisłava Bochana — jon dasyłaje na elektronnyja adrasy škoł ad imia roznych dziaržaŭnych orhanaŭ patrabavańnie ŭ niejki termin pravieści ŭ svajoj ustanovie tuju ci inšuju ideałahičnuju akcyju, jakaja nibyta pravodzicca va ŭsioj krainie ci asobnym rehijonie, a ŭ jakaści paćviardžeńnia vykanańnia zahadu dasłać na hety adras adpaviednyja fota.
Hetym razam asnovaj dla rozyhryšu byli abranyja matyvy satyryčnaj knihi sučasnaha rasijskaha piśmieńnika Uładzimira Sarokina «Dzień apryčnika», jakaja, jak heta ni dziŭna, dahetul uvachodzić u śpis litaratury, rekamiendavanaj u rasijskich škołach dla dadatkovaha čytańnia.
Akcyja Bochana i hetym razam mieła pośpiech: jon atrymaŭ, choć i paśla dadatkovaha nahadvańnia, foty ź niekalkich škoł.
A niekatorych piedahohaŭ upieršyniu ŭ praktycy prankiera ŭdałosia raskrucić na tłumačalnyja zapiski, čamu zadańnie było nie vykanana. Pry hetym vyjaviłasia, što sam prankier pamyliŭsia, pastaviŭšy pamyłkovuju datu rehistracyi, jakaja ŭžo minuła. Adnak mnohija na heta ŭvahi nie źviarnuli.
«Mianie nieadnarazova pytalisia: ci škada mnie tych «nastaŭnikaŭ», jakija stanoviacca abjektami maich ekśpierymientaŭ pa pošuku dna hetaha absurdu. Nie. Pahladzicie sami! Vam škada?
Ja nie kažu pra toje, što hetyja ludzi buduć raspalvać vajnu ŭ junych rozumach na ŭrokach, a paśla buduć raznosić pozvy byłym vučniam. I nie ŭ mietafary, što mienavita ŭ hetym rehijonie jany lohka źmianili «radzimu» i buduć apiavać pachod «novaj» na ich «staruju», — kamientuje Uładzisłaŭ Bochan hetuju svaju akcyju.
Biełarus dasłaŭ u rasijskija škoły zahad pravieści malebien. Jaho praviali, ale daviałosia surova nahadvać
Biełaruski mastak z ułasnaj inicyjatyvy zrabiŭ siabie Hierojem Rasii. I prymusiŭ pravieści akcyi ŭšanavańnia ŭ rasijskich škołach
Pravincyjnaja škoła znoŭ paviałasia na razvod prankiera
Prankier, jaki pierad refierendumam dresiravaŭ biełaruskich piedahohaŭ, vyjšaŭ na rasijski prastor. I znoŭ paśpiachova
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary