Ekanomika

U Minsku zarobki ŭpali, a ŭ rehijonach vyraśli. Jak takoje mahčyma?

Zhodna z aficyjnymi danymi, siaredniaja zarpłata pa krainie vyrasła na 6 rubloŭ u paraŭnańni z červieniem. Ale rost naziraŭsia nie va ŭsich rehijonach. 

Ilustracyjny zdymak. Fota: «Naša Niva»

Minčuki stali biadniejšymi

Pa vynikach lipienia, siaredniaja naličanaja zarpłata ŭ Biełarusi skłała 1933 rubli. Na ruki heta 1662 rubli. Miesiacam raniej siaredniaja naličanaja zarpłata ŭ Biełarusi była na ŭzroŭni 1927 rubloŭ.

Ale ŭ stalicy siaredniaja zarpłata pamienšała na 3 rubli. 

Ekśpiert BEROC Nastaśsia Łuzhina miarkuje, što da dadzienaj situacyi moh pryvieści toj fakt, što ŭ stalicy skaračajecca kolkaść vysokaapłatnych śpiecyjalistaŭ.

«Ludziej z vysokimi zarobkami, jakich u Minsku tradycyjna było bolš, čym u rehijonach, stanovicca mienš. Heta i mahło paŭpłyvać na siaredni zarobak, bo kolkaść ludziej z bolš nizkimi zarobkami pavialičyłasia ŭ paraŭnańni z tymi, chto mieŭ bolš vysokija zarobki».

Ekanamist adznačaje, što ŭličvajučy ściskańnie taho ž IT-siektara, taki praces źjaŭlajecca całkam čakanym.

Ilustracyjny zdymak. Fota: «Naša Niva»

«Zarobki ŭ IT u naminalnym vyražeńni choć i pavolna, ale ŭsio ž rastuć. Adnak za košt taho, što zaniatych u siektary stanovicca mienš, to heta mahło akazać taki efiekt», — ličyć Łuzhina.

Pry hetym ekśpiert miarkuje, što padobnaja situacyja moža naziracca i ŭ niekatorych inšych śfierach.

Čamu rost zarobkaŭ zapavolvajecca

Kažučy ŭ cełym pra rost zarobkaŭ, ekanamist adznačaje nastupnyja tendencyi:

«U červieni zarobki dosyć aktyŭna i raŭnamierna raśli ŭ realnym vyražeńni pa ŭsich rehijonach. Choć užo tady ŭ Minsku hety pryrost byŭ nižejšy, čym u rehijonach (11,8%). Pa abłaściach było 16,5-17,8%, u adnosinach da červienia minułaha hoda. Pa danych za lipień pa rehijonach dzieści pryrost skłaŭ 13%, dzieści 16%. Minsk na hetym fonie znoŭ pakazvaje samyja ścipłyja pakazčyki rostu ŭ pamiery 11,6%».

Taksama treba razumieć, što ŭ apošni čas byŭ aktyŭny adnaŭlenčy rost. Zarobki raśli, jak u naminalnym, tak i ŭ realnym vyražeńni. U červieni zarpłaty pa krainie vyraśli na 15,2% (u paraŭnańni z tym, što było hod tamu). U lipieni hety pakazčyk zapavoliŭsia da 14,4%.

Ilustracyjny zdymak. Fota: «Naša Niva»

Dadzienaje źmianieńnie ekśpiert tłumačyć tym, što rost zarabotnaj płaty šmat u čym byŭ źviazany z deficytam pracoŭnaj siły. Kampanii i pradpryjemstvy padvyšali zarobki, kab utrymać starych supracoŭnikaŭ i pryciahnuć novych.

«U niekatorych vypadkach heta rabiłasia sabie na škodu. Ale pastajanna padvyšać dziela hetaha zarobki nie atrymlivajecca. U tym liku tamu, što isnuje dziaržaŭnaje rehulavańnie cen. Pradpryjemstva razumieje, što pavyšać ceny nielha, a zarobki i vydatki rastuć. Tamu całkam mahčyma, što rost zapavoliŭsia i tamu, što pradpryjemstvy pracujuć na miažy, vyčarpaŭšy toj resurs, jaki jany mahli nakiravać na rost zarobkaŭ», — ličyć ekśpiert.

Čytajcie taksama: 

Kolki hadoŭ spatrebicca siaredniestatystyčnamu biełarusu, kab naźbirać na kvateru

Kupić dalary pa rublovaj karcie ŭ bankamacie ci za najaŭnyja ŭ kasie — što vyhadniej?

Ci budzie biełaruski rubiel słabieć dalej? Tłumačyć ekanamist

Hladzicie i płačcie. Kolki mahli b kaštavać aŭtamabili, kali b Biełaruś nie ŭstupiła ŭ Mytny sajuz

Kamientary

Ciapier čytajuć

Łukašenka zahavaryŭ pra prarasijskaść Cichanoŭskaha, bajučysia nazvać jaho imia37

Łukašenka zahavaryŭ pra prarasijskaść Cichanoŭskaha, bajučysia nazvać jaho imia

Usie naviny →
Usie naviny

Maładuju bjuci-majstarku adpravili za kraty za «raspalvańnie varožaści»3

Kibierpartyzany: My ŭzłamali sajt KDB pasiarod nočy. Jany za hety čas biehła sabrali naradu i damovilisia, kaho buduć padstaŭlać?7

«Urad u vyhnańni — heta karhakult». Palitołah Andrej Jahoraŭ krytykuje Ofis Cichanoŭskaj9

«Materyjalisty» — ramantyčnaja kamiedyja, jakaja choča razmaŭlać pra składanyja rečy

«Zajechaŭ u kvateru i adkryŭ tam biznes». Jak pakarać šumnaha susieda pavodle zakona?2

Archieołahi raskapali padziemny chod u Zasłaŭskim zamku

Sialanie na vazach. Jak maładym amierykancam pakazvajuć Biełaruś25

Piać mutnych momantaŭ u historyi pra danosčyka Bialucina i «śpiecapieracyju» KDB8

USU nanieśli rakietny ŭdar pa Daniecku2

bolš čytanych navin
bolš łajkanych navin

Łukašenka zahavaryŭ pra prarasijskaść Cichanoŭskaha, bajučysia nazvać jaho imia37

Łukašenka zahavaryŭ pra prarasijskaść Cichanoŭskaha, bajučysia nazvać jaho imia

Hałoŭnaje
Usie naviny →

Zaŭvaha:

 

 

 

 

Zakryć Paviedamić