USU zajavili, što Rasija vyvieła svaje vojski ź Biełarusi ŭ poŭnym składzie. «Biełaruski Hajun» heta asprečvaje
Kamandujučy Abjadnanymi siłami USU Siarhiej Najeŭ zajaviŭ, što Rasija vyvieła ŭsie svaje vojski ź Biełarusi i pierakinuła ich na Kupianski kirunak. «Biełaruski Hajun» hetaha nie paćviardžaje.
«Abstanoŭka na miažy ź Biełaruśsiu całkam nami kantralujecca. Rezkich źmien nie pradbačycca. Ciapier rasijski naziemny kampanient u poŭnym składzie vyviedzieny ź Biełarusi i znachodzicca ŭ składzie reziervu abjadnanaj hrupoŭki vojskaŭ RF, častki jakoj viaduć nastup na Kupianskim/Limanskim kirunku», — zajaviŭ kamandujučy Abjadnanych sił Uzbrojenych sił Ukrainy, hienierał-lejtenant Siarhiej Najeŭ.
U toj ža čas u vieraśni na terytoryi Biełarusi zapłanavana praviadzieńnie šerahu sumiesnych vučeńniaŭ ADKB («Ešałon», «Pošuk», «Uzajemadziejańnie»), jakija mohuć być vykarystany jak lehitymizacyja naroščvańnia vajennaj prysutnaści, źviarnuŭ uvahu hienierał.
«Biełaruski Hajun» zhodny, što adbyłosia značnaje pamianšeńnie kolkaści rasijskich vajskoŭcaŭ u Biełarusi, ale pra vyvad u poŭnym składzie, pavodle manitorynhavaj hrupy, havorki nie idzie.
Sapraŭdy, z pačatku lipienia adbyłasia likvidacyja palavych łahieraŭ US RF na palihonach «Abuz-Lasnoŭski», «Lepielski» i «Asipovicki».
Ciapier, piša «Hajun», rasijskija vajskoŭcy praciahvajuć znachodzicca ŭ Biełarusi na:
aeradromie «Mazyr» («Bokaŭ»);
aeradromie «Ziabraŭka»;
radyjotechničnym vuźle «Baranavičy»;
43-m vuźle suviazi «Vilejka».
Na hety momant «Biełaruski Hajun» aceńvaje kolkaść vajennych US RF tolki ŭ vyšejpieraličanych łakacyjach prykładna ŭ 2000 čałaviek.
«Hajun» źviartaje ŭvahu, što 1-6 vieraśnia ŭ Biełarusi projduć vučeńni ADKB «Bajavoje braterstva-2023». U ich voźmuć udzieł bolš za 2500 vajskoŭcaŭ, ź ich kala 300 vajskoŭcaŭ buduć z Rasii, i častka ź ich užo prybyła ŭ Biełaruś.
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam20
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary