УСУ заявілі, што Расія вывела свае войскі з Беларусі ў поўным складзе. «Беларускі Гаюн» гэта аспрэчвае
Камандуючы Аб'яднанымі сіламі УСУ Сяргей Наеў заявіў, што Расія вывела ўсе свае войскі з Беларусі і перакінула іх на Купянскі кірунак. «Беларускі Гаюн» гэтага не пацвярджае.
«Абстаноўка на мяжы з Беларуссю цалкам намі кантралюецца. Рэзкіх змен не прадбачыцца. Цяпер расійскі наземны кампанент у поўным складзе выведзены з Беларусі і знаходзіцца ў складзе рэзерву аб'яднанай групоўкі войскаў РФ, часткі якой вядуць наступ на Купянскім/Ліманскім кірунку», — заявіў камандуючы Аб'яднаных сіл Узброеных сіл Украіны, генерал-лейтэнант Сяргей Наеў.
У той жа час у верасні на тэрыторыі Беларусі запланавана правядзенне шэрагу сумесных вучэнняў АДКБ («Эшалон», «Пошук», «Узаемадзеянне»), якія могуць быць выкарыстаны як легітымізацыя нарошчвання ваеннай прысутнасці, звярнуў увагу генерал.
«Беларускі Гаюн» згодны, што адбылося значнае памяншэнне колькасці расійскіх вайскоўцаў у Беларусі, але пра вывад у поўным складзе, паводле маніторынгавай групы, гаворкі не ідзе.
Сапраўды, з пачатку ліпеня адбылася ліквідацыя палявых лагераў УС РФ на палігонах «Абуз-Лясноўскі», «Лепельскі» і «Асіповіцкі».
Цяпер, піша «Гаюн», расійскія вайскоўцы працягваюць знаходзіцца ў Беларусі на:
аэрадроме «Мазыр» («Бокаў»);
аэрадроме «Зябраўка»;
радыётэхнічным вузле «Баранавічы»;
43-м вузле сувязі «Вілейка».
На гэты момант «Беларускі Гаюн» ацэньвае колькасць ваенных УС РФ толькі ў вышэйпералічаных лакацыях прыкладна ў 2000 чалавек.
«Гаюн» звяртае ўвагу, што 1-6 верасня ў Беларусі пройдуць вучэнні АДКБ «Баявое братэрства-2023». У іх возьмуць удзел больш за 2500 вайскоўцаў, з іх каля 300 вайскоўцаў будуць з Расіі, і частка з іх ужо прыбыла ў Беларусь.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7979
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне79
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары