Viadomaj žurnalistcy i kulturnickaj dziajačcy Łarysie Ščyrakovaj dali try z pałovaj hady kałonii. Taksama joj prysudzili štraf 3500 rubloŭ. Sud prachodziŭ u zakrytym režymie.
Łarysa Ščyrakova. Fota: «Radyjo Svaboda»
Łarysu Ščyrakovu vinavacili pavodle dvuch artykułaŭ Kryminalnaha kodeksa — «Sadziejničańnie ekstremisckaj dziejnaści» i «Dyskredytacyja Respubliki Biełaruś».
Spravu razhladaŭ sudździa Mikałaj Dola, viadomy tym, što adpraviŭ za kraty na piać hadoŭ žurnalistku Irynu Słaŭnikavu.
Łarysu Ščyrakovu zatrymali ŭviečary 6 śniežnia 2022 hoda paśla pieratrusu ŭ jaje domie. Jaje niepaŭnaletniaha syna źmiaścili ŭ prytułak. Były muž palitźniavolenaj, jaki apošnija hady žyŭ u Rasii, sabraŭ nieabchodnyja dakumienty i 23 śniežnia zabraŭ Śviatasłava. Inšym svajakam chłopčyka nie addavali.
Napačatku na Łarysu zaviali kryminalnuju spravu pavodle art. 369-1 KK (dyskredytacyja Respubliki Biełaruś) i źmiaścili ŭ homielski SIZA №3. Bolš jak miesiac tamu pamierła maci žančyny. Žurnalistku navat nie adpuścili ź SIZA na pachavańnie.
Pavodle materyjałaŭ śledstva, Łarysa Ščyrakova «sa žniŭnia 2020 hoda pa śniežań 2022 hoda, vykarystoŭvajučy napružanuju hramadskuju situacyju i imknučysia destabilizavać abstanoŭku ŭ krainie, praz roznyja miesiendžary i ŭlikovyja zapisy ŭ sacsietkach pieradała dla raźmiaščeńnia i raźmiaściła ŭ internecie, u tym liku na destruktyŭnych resursach, infarmacyjnyja materyjały z zahadzia łžyvymi źviestkami, jakija dyskredytavali Respubliku Biełaruś».
Jana ž, pa mierkavańni prakuratury, «ažyćciaŭlała zbor, stvareńnie, apracoŭku, zachoŭvańnie i pieradaču aŭdyja-, videa-, fota— i tekstavaj infarmacyi dla dalejšaha vykarystańnia ŭ metach zabieśpiačeńnia ekstremisckaj dziejnaści infarmacyjnaha resursu «Viasna» i ekstremisckaha farmavańnia «Biełsat»».
Za svaju žurnalisckuju dziejnaść Łarysu Ščyrakovu bolej za 40 razoŭ pryciahvali da administracyjnaj adkaznaści ŭ vyhladzie štrafaŭ i aryštaŭ.
Urešcie jana vymušanaja była zajavić ab tym, što adychodzić ad žurnalisckaj dziejnaści i budzie zajmacca etnafotasiesijami i psichałohijaj.
Padtrymać žurnalistku: SIZA-3, 246003, Homiel, Knižnaja, 1A, Łarysa Fiodaraŭna Ščyrakova.
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos26
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5353
Kamientary