Sudździa suda Sieńnienskaha rajona Ina Dosava 6 lipienia za raspaŭsiud «ekstremizmu» ŭ sacyjalnych sietkach i praviadzieńnie masavaha mierapryjemstva aštrafavała na 1850 rubloŭ miascovaha žychara Paŭła Jakuboviča, piša «Viciebskaja viasna».
U sudzie byli ahučanyja abvinavačvańni ŭ tym, što Jakubovič, maŭlaŭ, na svajoj staroncy ŭ sacyjalnaj sietcy «Vkontaktie» byŭ padpisany na šerah publikacyj, jakija raniej sudami byli ŭklučanyja ŭ respublikanski śpis «ekstremisckich materyjałaŭ».
Taksama z materyjałaŭ administracyjnaj spravy vynikała, što ŭ sacyjalnaj sietcy Facebook, paŭtorna na praciahu adnaho hoda paśla nakładańnia administracyjnaha spahnańnia za praviadzieńnie pikietu, mužčyna pryniaŭ udzieł u «niesankcyjanavanym pikietavańni» z vykarystańniem «hrafičnych vyjaŭ bieł-čyrvona-biełych pałotnaŭ i hierba Pahonia».
Zychodziačy z hetych faktaŭ, sudździa Dosava pastanaviła, na padstavie č. 2 art. 19.11 KaAP, dać Jakuboviču štraf u sumie 740 rubloŭ i pa č. 3 art. 24.23 KaAP aštrafavać na 1480 rubloŭ.
Kančatkova, šlacham častkovaha składańnia nakładzienych administracyjnych spahnańniaŭ, sud pastanaviŭ pakarać Paŭła Jakuboviča štrafam u dachod dziaržavy ŭ sumie 1850 rubloŭ.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary