Ci zmoža štučny intelekt pisać žarty pra Łukašenku zamiest Słavy Kamisaranki? Komik pravieryŭ
Na kancercie ŭ Amsterdamie ŭ Słavy Kamisaranki spytali, ci nie chvalujecca jon praz toje, što hadoŭ praź piać žarty zamiest jaho zmoža prydumlać štučny intelekt.
Akazałasia, što nie vielmi.
— Mnie ŭžo dasyłali niejkija žarty pra Čyk-Čyryka, jakija hienieravaŭ štučny intelekt. Było niešta kštałtu «Čyk-Čyryk — heta naš puchnaty siabar», — adkazaŭ jon.
Komik prapanavaŭ hledačam u zale paprasić ChatGPT napisać žart pra Łukašenku. I voś što vyjšła:
— Čamu Łukašenka nikoli nie hulaje ŭ šachmaty? Bo jaho pałochaje toje, što lubaja pieška moža stać karalom.
I zale, i navat samomu Słavu Kamisaranku žart spadabaŭsia. Ale stendapier paprasiŭ pašukać što-niebudź daŭžejšaje.
— Možacie jašče varyjanty zahuhlić? A to ja niešta pačaŭ chvalavacca.
— Łukašenka adnojčy kaža: «Ja abiacaju, što kožny biełarus atrymaje akr ziamli». Kali ž ludzi pytalisia, dzie ich akr, to Łukašenka pakazvaŭ na bahnu i kazaŭ: «Voś vaš akr, pačynajcie budavać». Tak što, tavaryšy, kali ŭ vas jość vysokija čaraviki i viosły, chutčej idzicie pa svoj akr».
Hety žart zasnavany na pierabolšańni i ironii. Jon ihraje na abiacańniach Łukašenki i jaho schilnaści da pierabolšańnia i na nierealistyčnych zajavach.
Komik zarahataŭ:
— Čyk-Čyryk, ciabie tolki što prasmažyŭ štučny intelekt!
Słava Kamisaranka paabiacaŭ viarnuć hrošy za kvitok na kancert chłopcu, jaki z dapamohaj ChatGPT stvaryŭ hety žart. Ale, zdajecca, pakul što stendapier moža nie chvalavacca nakont kankurencyi z boku štučnaha intelektu.
Čytajcie taksama:
«Ničoha nie paniatna, no tak niepryjatna». Słava Kamisaranka apublikavaŭ svoj pieršy stendap na biełaruskaj movie
«Viartajciesia, pakajciesia, i ja vas usich pasadžu». Słava Kamisaranka vykłaŭ častku novaha stendapa, tam znoŭ šmat pra Łukašenku
Cichanoŭskaja sustrełasia sa Słavam Kamisarankam FOTA
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary