U Kazachstanie pierastali pradavać kvitki na kancerty komikaŭ, jakija źjeździli na Danbas
U Kazachstanie pierastali pradavać kvitki na vystupleńni papularnaj kamandy Kłuba viasiołych i znachodlivych «Kamyziaki». Raniej jaje ŭdzielniki, komiki Azamat Musahalijeŭ i Dzianis Dorachaŭ, vystupili na kancercie da «Dnia vyzvaleńnia Danbasa» na miemaryjalnym kompleksie «Savur-Mahiła».

Svajo kancertnaje turne pa Kazachstanie «Kamyziaki» pavinny byli pačać vystupam u Ałmaty 5 kastryčnika, na 7-8 kastryčnika mierapryjemstvy byli zapłanavanyja ŭ stalicy respubliki Astanie, a zaklučnym musiŭ stać kancert u horadzie Šymkiencie 9 kastryčnika.
Adnak 8 vieraśnia ŭ Kazachstanie stała viadoma, što ŭdzielniki kamandy Musahalijeŭ i Dorachaŭ vystupili na zładžanym rasijskimi akupantami kancercie kala miemaryjała «Savur-Mahiła» na Danbasie. Tady komiki zajavili, što pabyvali tam upieršyniu, što jany «vielmi ŭražanyja, a miesca kranaje dušu». Azamat Musahalijeŭ pažadaŭ usim «mirnaha nieba, zdaroŭja i ŭśmiešak».
Paśla hetaha ŭ kazachstanskim siehmiencie internetu karystalniki stali zaklikać admianić vystupy artystaŭ u krainie, a taksama pisali słovy abureńnia na staronkach Musahalijeva i Dorachava.
U vyniku kvitki na kancerty komikaŭ pierastali pradavać usie dastupnyja ŭ krainie płatformy.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii

«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes

«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie

Kamientary