Iosif Siaredzič: Mnie niezrazumiełyja dziejańni tych, kamu ja biaspłatna pamyłkova pieradaŭ sajt
Prajšło krychu bolš za miesiac, jak Iosif Siaredzič abviaściŭ ab sychodzie z pasady hałoŭnaha redaktara starejšaj niezaležnaj haziety, jak adbyłosia jaje pierafarmatavańnie ŭ bok t. zv. «narmalizacyi». Što adbyvajecca? Zasnavalnik «Narodnaj Voli» prakamientavaŭ situacyju žurnalistu Alaksandru Stryžnieviču.
«Mianie ździviła infarmacyja, jakaja raspaŭsiudžvajecca na niekatorych niezaležnych sajtach i jakaja ŭ niekatoraj stupieni datyčycca mianie asabista», — pierš za ŭsio adznačyŭ Iosif Siaredzič.
Pavodle jaho, fraza «pierakuplenaja «Narodnaja Vola» pierajšła na łukašenkaŭskija pazicyi» niekarektnaja.
«Nichto ŭ mianie sajt nie pierakuplaŭ, — padkreśliŭ surazmoŭca. — Tak atrymałasia, što damiennaje imia sajta UP «Narodnaja Vola» ja pieradaŭ tavarystvu z abmiežavanaj adkaznaściu «Hipier PK» biaspłatna. Nivodnaj kapiejki nichto nie pieraličyŭ na rachunak redakcyi «Narodnaj Voli», nivodnaja kapiejka nie trapiła ŭ maju kišeniu».
Pieradača damiennaha imia, zrabiŭ akcent Iosif Siaredzič, adbyvałasia pry adnoj umovie — što kantentam pa-raniejšamu buduć zajmacca žurnalisty, jakija ŭvachodzili ŭ štat redakcyi haziety.
«Siońnia, 15 vieraśnia, ja daviedaŭsia, što adzin z kiraŭnikoŭ «Hipier PK» adchiliŭ hetych žurnalistaŭ ad supracoŭnictva. A ciapier byccam by sam napaŭniaje infarmacyjnuju stužku sajta», — paviedamiŭ zasnavalnik haziety.
Jon admoviŭsia kamientavać źmieny ŭ padačy tekstaŭ:
«Ja nie maju da kantentu nijakaha dačynieńnia i nie maju prava ničoha dyktavać ciapierašniamu ŭłaśniku sajta».
Pry hetym były hałoŭred «Narodnaj Voli» paćvierdziŭ, što kiraŭnik «Hipier PK» nie źjaŭlajecca prafiesijnym žurnalistam.
Na pytańnie, što ciapier płanuje rabić spadar Siaredzič, toj adkazvaje biez sumnievaŭ:
«Budziem dziejničać z tym, kab adnavić zakonnaść».
Pakul zasnavalnik haziety admaŭlajecca davać padrabiaznaści i detali, jakim čynam płanuje damahacca spraviadlivaści. Adnak jašče raz padkreślivaje:
«Heta infarmacyja jak śniežny kamiak na hałavu. Mnie škada žurnalistaŭ. Ja byŭ upeŭnieny, što jany buduć pracavać na adpaviednym uzroŭni, a apynulisia kala raźbitaha karyta. Mnie niezrazumiełyja dziejańni tych, kamu ja biaspłatna pamyłkova pieradaŭ sajt».
«Udzielnik aŭtakłubaŭ, zachaplajusia astrałohijaj». Što viadoma pra novaha ŭładalnika «Narodnaj Voli»
Paśla vaśmi dzion maŭčańnia adnavili pracu sajt i kanał «Narodnaj Voli». Ad nazvy zastałosia tolki «NV»
Iosif Siaredzič: Kali b u 1995-m deputaty abaranili «Narodnuju hazietu», moža, pa-inšamu raźvivalisia b padziei
Iosif Siaredzič pakidaje pasadu hałoŭnaha redaktara «Narodnaj Voli». Los vydańnia pad pytańniem
«Biez nacyjanalnaha prymireńnia nam nie zachavać niezaležnaści Biełarusi». Iosif Siaredzič vystupiŭ sa śmiełym adkrytym listom
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
mnie vas škada :/