«Udzielnik aŭtakłubaŭ, zachaplajusia astrałohijaj». Što viadoma pra novaha ŭładalnika «Narodnaj Voli»
Novym uładalnikam vydańnia «Narodnaja Vola» stała firma «Hipier PK». Jaje ačolvaje 46-hadovy Mikałaj Zinievič, jaki nazyvaje siabie mieniedžaram internet-prajektaŭ. Kaža, što ŭmieje śpiavać i zachaplajecca astrałohijaj, piša «Biełsat».
4 žniŭnia zasnavalnik i niaźmienny hałoŭny redaktar «Narodnaj Voli» Iosif Siaredzič abviaściŭ, što pakidaje pasadu. Pry hetym vydańnie, pazbaŭlenaje licenzii, nie zakryłasia. Siaredzič raniej raspavioŭ, što pravy ŭłaśnika staronki nv-online.info pieradaŭ inšaj asobie, ale kamu — nie raskryŭ.
Ciapier na sajcie vydańnia paznačany rekvizity novaha ŭładalnika — «Hipier PK». Z adkrytych krynic viadoma, što kampanija była zarehistravanaja ŭ lutym letaś, asnoŭny vid dziejnaści — kampjutarnaje prahramavańnie.
Ačolvaje firmu 46-hadovy Mikałaj Zinievič. U razmovie z karespandentam «Biełsata», jaki zvaniŭ jak pryvatnaja asoba, mužčyna admoviŭsia havaryć, ci sapraŭdy jon staŭ kiravać vydańniem:
«Ja nie paćviardžaju, ale i nie źniapraŭdžvaju. Anijakich kamientaroŭ zusim».
«Biełsat» znajšoŭ na LinkedIn profil Mikałaja Zinieviča — imavierna, novaha ŭładalnika «Narodnaj Voli». Pavodle źviestak na staroncy karystalnika, Zinievič naradziŭsia ŭ Słucku. Mienavita tam u 1999 hodzie pačaŭsia jahony pracoŭny šlach. Čatyry hady byŭ dydžejem u miascovym moładzievym centry. «Daryŭ nastroj», — kaža pra toj čas Zinievič.
Pracu na dyskatekach sumiaščaŭ z pasadaj fotakarespandenta ŭ haziecie «Infa-Kurjer». Sioleta ŭviesnu materyjały i sacyjalnyja sietki vydańnia pryznali «ekstremisckimi», hałoŭnaha redaktara Siarhieja Stankieviča i jahonaha namieśnika Aleha Rubčeniu aryštoŭvali. Pad hetym ciskam hazieta spyniła isnavańnie.
U 2004 hodzie z rodnaha horada Zinievič pierajechaŭ u Maskvu, tam pracavaŭ kansultantam-markietołaham u firmie, što vyrablała padjomna-transpartnaje abstalavańnie, kiravaŭ adździełam markietynhu ŭ budaŭničaj arhanizacyi, a potym byŭ mieniedžaram internet-prajektaŭ u bujnoj IT-kampanii «Hałaktika». Adtul zvolniŭsia ŭ 2016 hodzie, viarnuŭsia ŭ Biełaruś i adkryŭ u Słucku IP ź vidam dziejnaści «kampjutarnaje prahramavańnie».
U reziume Mikałaj Zinievič nazyvaje siabie admysłoŭcam u markietynhu i prodažy. Miescam adukacyi paznačany tolki Mižnarodny adukacyjny centr IBB u Miensku, vučyŭsia tam internet-žurnalistycy dy kiravańniu prajektami.
Śćviardžaje, što daje rady ŭ prahramavańni, viorstcy, dyzajnie, redahavańni, a taksama aptymizacyi i prasoŭvańni sajtaŭ.
«Z asabistaha: udzielnik aŭtakłubaŭ, śpiavaju (muzyčnaja adukacyja + były DJ), zachaplajusia astrałohijaj», — hetak zakančvajecca samaprezientacyja mužčyny.
Čytajcie taksama:
-
Sinod BPC vystupiŭ z zvarotam u suviazi ź nibyta hanieńniami na Ukrainskuju pravasłaŭnuju carkvu Maskoŭskaha patryjarchata
-
Kolkaść pracoŭnych mihrantaŭ vyrasła ŭ Biełarusi ŭ paŭtara raza. Raście i złačynnaść siarod zamiežnikaŭ
-
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ
Ciapier čytajuć
Pasadzili padpałkoŭnika i byłoha vykładčyka Vajskovaj akademii. Jon padtrymaŭ narod u 2020-m3
Kamientary