Va Ukrainie ŭzakonili pisańnie nazvy «Rasija» z małoj litary. Ale nie va ŭsich vypadkach
Napisańnie nazvaŭ «Rasijskaja Fiederacyja», «Rasija», «Maskva», «Maskovija», «Maskoŭskaje carstva», «Rasijskaja Impieryja», «Dziaržaŭnaja Duma RF» i h. d. z małoj litary nie źjaŭlajecca adchileńniem ad normaŭ ukrainskaj movy ŭ tekstach nieaficyjnaha charaktaru. Pra heta skazana ŭ admysłovaj zajavie ŭkrainskaj Nacyjanalnaj kamisii pa standartach dziaržaŭnaj movy.
Nackamisija tłumačyć, što abmierkavała pytańnie vykarystańnia nazvy dziaržavy-ahresara na pasiadžeńni 15 vieraśnia. U vyniku pryniata nastupnaje rašeńnie:
«Nacyjanalnaja kamisija pa standartach dziaržaŭnaj movy na pasiadžeńni ad 15.09.2023 (pratakoł № 83) abmierkavała hetaje pytańnie i z ulikam aficyjnych listoŭ ad Instytuta ŭkrainskaj movy NAN Ukrainy…, Instytuta movaznaŭstva imia A. A. Paciabni NAN Ukrainy paviedamlaje, što napisańnie nazvaŭ «rasijskaja fiederacyja», «rasija», «maskva», «maskovija», «maskoŭskaje carstva», «rasijskaja impieryja», «dziaržaŭnaja duma rf» i h. d. z małoj litary možna nie kvalifikavać jak adchileńnie ad normaŭ ukrainskaj movy ŭ tekstach nieaficyjnaha charaktaru».
Pasiadžeńnie źbirałasia z-za taho, što 8 vieraśnia vice-premjerka — ministarka pa pytańniach reintehracyi časova akupavanych terytoryj Ukrainy Iryna Vieraščuk zaklikała aficyjna prapanavać źmieny ŭ pravapis nazvy dziaržavy-ahresara Rasii i jaje kiraŭnikoŭ.
U toj ža čas ministr adukacyi i navuki Ukrainy Aksien Lisavy nastojvaje na napisańni ŭ aficyjnych dakumientach jahonaha viedamstva nazvy dziaržavy-ahresara «Rasijskaja Fiederacyja» ź vialikich litar z-za patrabavańniaŭ narmatyŭnaha prajektavańnia. Adnosna hetaha vydadzieny i adpaviedny zahad.
Varta adznačyć, što nieŭzabavie paśla pačatku poŭnamaštabnaj vajny mnohija ŭkrainskija ŚMI samastojna, javačnym paradkam pierajšli na napisańnie nazvaŭ, źviazanych z Rasijaj, z małoj litary. Toje ž samaje praktykujecca i ŭ dačynieńni da Biełarusi.
Čytajcie taksama:
Kamientary