MARH: Biełarusam niedaspadoby polskija jabłyki, jany z achvotaj kuplajuć ajčynnyja
U imparcie polskich jabłykaŭ niama nieabchodnaści, pakupnik z zadavalnieńniem nabyvaje ajčynnuju pradukcyju. Pra heta ŭ pres-centry BiełTA zajaviła pradstaŭnica Ministerstva antymanapolnaha rehulavańnia i handlu Taćciana Kraśniuk.
«Dola ajčynnych tavaraŭ u Biełarusi składaje 56% i pastajanna raście. Biełaruskija jabłyki zapatrabavanyja ŭ nasielnictva. Našy bujnyja fiermiery vyroščvajuć roznyja hatunki jabłykaŭ, pastaŭlajuć ich na pryłaŭki kram i majuć usie nieabchodnyja ŭmovy dla zachavanaści pładoŭ. U suviazi z hetym zakupku anałahičnaj pradukcyi pa-za miežami krainy možna ličyć niemetazhodnaj», — cytuje Taćcianu Kraśniuk BiełTA.
Jana dadała, što polskija jabłyki zavoziacca ŭ Biełaruś ad 1 da 30 lipienia, pry hetym pastaŭki źmianšajucca. «U cełym ciapier u hetym niama nieabchodnaści. Pakupnik z zadavalnieńniem nabyvaje biełaruskija jabłyki», — padkreśliła jana.
Pavodle słoŭ Taćciany Kraśniuk, pa jabłykach fiksujecca vialiki prahres.
«Pavodle danych za studzień-lipień, u kramach realizavana 55,6% jabłykaŭ ajčynnaj vytvorčaści. Dola biełaruskich jabłykaŭ uzrasła na 19,2%, a ich prodaž pavialičyŭsia na 17%. Akramia taho, za pieršaje paŭhodździe impart jabłykaŭ u krainu skaraciŭsia na 38%», — skazała Taćciana Kraśniuk.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary