Hihanckija pandy žyli ŭ ZŠA z časoŭ narmalizacyi adnosin paśla histaryčnaha vizitu prezidenta Ryčarda Niksana ŭ Kitaj u 1972 hodzie.
Usie pandy z amierykanskich zaaparkaŭ adpraŭlajucca dadomu ŭ Kitaj, i ZŠA ryzykujuć užo ŭ nastupnym hodzie akazacca zusim biez hihanckaj pandy z-za napružanych adnosin pamiž dźviuma viadučymi dziaržavami płaniety, piša Bi-bi-si.
Vašynhtonski zaapark raźvitvajecca ź miadźviedziami Mej Sian, Ciań Ciań i ich synkom Siaa Ci Czi. Hihanckim pandam zładzili «hihanckija pravodziny». Fiestyval budzie praciahvacca dzieviać dzion, a ŭ śniežni žyvioły adpraviacca dadomu ŭ Kitaj.
U Kitaja manapolija na pandaŭ, i jon nie pradaje ich, a addaje ŭ arendu, čaściakom za sotni tysiač dalaraŭ za hod. Pradaŭžać damovy z amierykanskimi zaaparkami Kitaj pakul nie choča, i ekśpierty bačać u hetym čarhovy epizod «panda-dypłamatyi».
Hihanckija pandy haściavali ŭ ZŠA z časoŭ narmalizacyi adnosin paśla histaryčnaha vizitu prezidenta Ryčarda Niksana ŭ Kitaj u 1972 hodzie.
Kitaj tradycyjna adpraŭlaŭ miadźviedziaŭ u zaaparki družalubnych krain u jakaści zaachvočvańnia abo padziaki. SSSR atrymaŭ samca Piń-Piń u 1957 hodzie za toje, što pieršym pryznaŭ kamunistyčny Kitaj.
U Amierycy pandy zastalisia jašče ŭ Atłancie i San-Dyjeha, ale i ŭ ich užo jość zvarotnyja kvitki.
Z zaaparka Miemfisa Kitaj adklikaŭ dźviuch pandaŭ sa skandałam u pačatku hetaha hoda. Samiec Łe Łe pamior — stała drenna z sercam, a jaho siabroŭka Ja Ja źlohku ablezła, i kitajcy zapadozryli drennaje staŭleńnie da žyvioł.
Vieterynary abiedźviuch krain paćvierdzili, što ź Ja Ja ŭsio ŭ paradku, ale asadak zastaŭsia.
Abodva baki admaŭlajuć palityčnuju padaploku viartańnia pandaŭ z Amieryki ŭ Kitaj. Niekatoryja ŭ heta nie vierać.
«Toj fakt, što ŭsie pandy źjeduć z ZŠA ŭ Kitaj da kanca nastupnaha hoda, maje peŭnaje značeńnie», — cytuje ahienctva Bloomberg aŭtara knihi ab kitajskaj «panda-dypłamatyi» i prafiesara Kalifarnijskaha Saint Mary's College Alenu Sonhster.
«Kitajcy dziejničajuć pavodle płana. Jany viedajuć, što robiać»
Mahčyma, jany jašče pieradumajuć. Krynicy Bloomberg u Biełym domie kažuć, što pytańnie ab pandach budzie padymacca ŭ pieramovach z kitajcami ŭ najbližejšy čas.
Nie vyklučana, što pandy buduć zhadanyja na sustrečy prezidenta Džo Bajdena z kitajskim staršynioj Si Czińpinam, kali jon pryjedzie ŭ siaredzinie listapada ŭ San-Francyska na samit ATES.
Čytajcie taksama:
U Hankonhu pamierła samaja staraja ŭ śviecie panda
Minski zaapark prosić padzialicca ŭradžajem
«Nikudy nie sychodzić i čakaje haspadara». U Słonimie vykinuli na śmietnicu parodzistaha kata
Ciapier čytajuć
Bližejšym časam buduć vyzvaleny bolš za 150 palitźniavolenych12
Kamientary