Hramadstva1616

U prapahandysta Mukavozčyka spytali, čamu jahonaja dačka pracuje ŭ ZŠA

Dzieci niekatorych dziaržčynoŭnikaŭ i prapahandystaŭ časam žyvuć, vučacca i pracujuć na Zachadzie, jaki niemiłaserna krytykujecca ich baćkami. Pazicyju pa hetym pytańni adnaho ź ich — Andreja Mukavozčyka — sprabavali rastłumačyć viadučyja YouTube-kanała «Partyzanskaja chvala», piša BAŽ.

Aŭtary YouTube-kanała nahadali, što Maryja, dačka ad byłoha šlubu Andreja Mukavozčyka, vučyłasia ŭ ZŠA, a ciapier pracuje tam chimikam.

— Čamu jana nie choča viarnucca ŭ Biełaruś? — spytaŭ Uładzisłaŭ Bochan (mastak i prankier, jaki zapomniŭsia akcyjami pa razyhryvańni nastaŭnikaŭ biełaruskich i rasijskich škoł).

— Ja b vam patłumačyŭ… Ale vam razumieć — niama čaho, — pa zvyčcy staŭ adniekvacca supracoŭnik «Savieckaj Biełarusi». — Užo nie atrymajecca. Kali z 2020-ha da 2023-ha nie atrymałasia, nu jakija šancy dalej? Nijakich…

Padčas razmovy surazmoŭca prapahandysta zadavaŭsia pytańniami, čamu, maŭlaŭ, dačka nie razumieje, što ciapierašniaja Biełaruś — kraina dla žyćcia; nie bačyć pierśpiektyŭ i roskvitu navuki. Niaŭžo na radzimie nielha chimijaj zajmacca?

— Možna… Čamu nielha? — uzdychnuŭ Andrej Mukavozčyk.

Adnak razvažać na hetuju temu jon faktyčna admoviŭsia i prapanavaŭ zadać pytańni niepasredna dačce.

— Ja jak baćka — patryjot i ŭsio astatniaje. I što? Vy niazdolnyja zrazumieć navat takich prostych rečaŭ, da čaho i jak, — praciahnuŭ znosiny ŭ charakternaj maniery prapahandyst. — Nie atrymlivajecca rastłumačyć. Vam by dakałupacca…

Na sajcie i staronkach prapahandysckaha vydańnia rehularna vychodziać paskvili za podpisam Andreja Mukavozčyka, u jakich jon krytykuje Zachad, pradstaŭnikoŭ biełaruskich demakratyčnych sił, nie curajecca pierachodu na asoby i pramyja abrazy.

— Śviet spažyvańnia varjacieje, sprabujučy i nas z vami źvieści. Karotkačasova ci ŭžo nazaŭždy. Treba ŭpiracca, nie paddavacca, bierahčy honar z rańnich hadoŭ, kali ŭžo na toje pajšło! — niadaŭna pavučaŭ čytačoŭ aŭtar.

A litaralna niekalki dzion tamu za aŭtarstvam Andreja Mukavozčyka była raźmieščana publikacyja, u jakoj jon apraŭdvaŭ rašeńnie CVK pazbavić mahčymaści hałasavać biełarusaŭ, jakija žyvuć za miažoj.

— A nam cikava: čamu ludziam, jakija nie žyvuć u krainie, naohuł dajecca mahčymaść kahości vybirać? — aburaŭsia jon. — Chaj jany i nie zdradniki, a vielmi navat hodnyja. Ale ž jany daŭno ničoha nie viedajuć pra toje, što treba Biełarusi.

Kamientary16

  • Abu
    02.10.2023
    Adzin masturbiruje ŭ pramym efiry, u druhoha dzieŭka zvaliła na zahnivajuščy Zachad... Łukašysty, što z vami nia tak?
  • Jaśnieńka
    02.10.2023
    Prapahandyst "ruskaha mira" Mukavozčyk adpraviŭ dačku žyć ŭ ZŠA.
    Usio što treba viedać pra kryvadušnaść prapahandystaŭ.
  • o.lenina
    02.10.2023
    "Śviet spažyvańnia varjacieje, sprabujučy i nas z vami źvieści."
    chotiełoś by posmotrieť na šałaš, v kotorom on živiet
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełaruski IT-miljarder Hurski: Maju pieršuju žonku zabiŭ hiembler4

Biełaruski IT-miljarder Hurski: Maju pieršuju žonku zabiŭ hiembler

Usie naviny →
Usie naviny

«Usie pytajucca, navošta hetyja viaroŭki ŭ stoli?» Minčuk kupiŭ studyju i pieratvaryŭ jaje ŭ čyłaŭt-zonu1

Nie vyjazdžaŭ ź Biełarusi, a trapiŭ na roŭminh: jak žychar Brestčyny straciŭ hrošy na mabilnaj suviazi

«Adčuŭ siabie kałabkom». 22-hadovy biełarus źbieh z vojska, pažyŭ na niekalkich kantynientach, ale ciapier jamu treba hrošy15

«Da našaj mašyny išła chutčej za milicyjantaŭ». Jak u Miadzielskim rajonie šukali źnikłuju 74-hadovuju žančynu2

Navukoŭcy vyśvietlili, jakija pradukty ŭ racyjonie žančyn siarednich hadoŭ pavyšajuć šancy na zdarovaje stareńnie

Piać hadoŭ tamu ŭ Hrodnie zatrymali Siarhieja Cichanoŭskaha6

«Moj termin paŭnamoctvaŭ padychodzić da kanca». Iłan Mask pakidaje administracyju Trampa4

U biełaruskich radzilniach biaruć u zakładniki niemaŭlat, jakich naradzili mihrantki, kab spahnać z baćkoŭ hrošy? Raźbirajemsia13

Miadźviedzieŭ raskazaŭ, kolki rasijan padpisali vajskovyja kantrakty, i mocna razyšoŭsia z Pucinym1

bolš čytanych navin
bolš łajkanych navin

Biełaruski IT-miljarder Hurski: Maju pieršuju žonku zabiŭ hiembler4

Biełaruski IT-miljarder Hurski: Maju pieršuju žonku zabiŭ hiembler

Hałoŭnaje
Usie naviny →

Zaŭvaha:

 

 

 

 

Zakryć Paviedamić