«Vielmi haračaja tema — heta vybary». Łukašenka daručyŭ Kačanavaj padklučyć usich, kaho treba, na dapamohu CVK
Niahledziačy na try hady niaspynnych represij, Alaksandr Łukašenka nie pačuvajecca ŭpeŭniena nakont budučych vybaraŭ. Pravieryć hatoŭnaść aparatu da ich jon daručyŭ staršyni Savieta Respubliki Nacyjanalnaha schodu Natalli Kačanavaj.
«Vielmi haračaja tema — heta vybary. Ja prasiŭ by vas pierš za ŭsio, Administracyju prezidenta, kali treba, parłamient (nižniuju pałatu) padklučycca da praviadzieńnia hetych vybaraŭ. Tym bolš vy — upaŭnavažany pa Minsku», — źviarnuŭsia Łukašenka da Kačanavaj.
Pavodle jaho, «Minsk zaŭsiody ŭ nas vyłučaŭsia niejkaj asablivaściu».
«Jak tut iduć spravy?» — udakładniŭ Łukašenka ŭ Kačanavaj i nahadaŭ, što daŭno išła razmova pra toje, kab pahladzieć, nakolki hatovyja da praviadzieńnia majučych adbycca vybaraŭ usie orhany ŭłady, i pry nieabchodnaści pasadziejničać Centralnaj vybarčaj kamisii.
«Treba CVK dapamahčy. Tamu što ŭ nas niama takich stvoranych biurakratyčnych sistem, administracyjnych, jakija b zajmalisia vybarami, akramia Centralnaj vybarčaj kamisii. Astatnija, tak by mović, na amatarskich pačatkach», — rastłumačyŭ jon i dadaŭ, što «hetaje pytańnie treba trymać pad kantrolem».
Adziny dzień hałasavańnia pa vybarach u saviety roznych uzroŭniaŭ adbudziecca 25 lutaha 2024 hoda.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
Kiraŭnik CVK - rasiejec z Rasiei. Ihar Karpienka z Navakuźniecku kiemieraŭskaj vobłaści.