Pad Minskam pradajecca fajny dom. Tam jość sažałka sa stronhaj i sažałka ź lilejami
U vioscy Čarciaž, što za 12 km ad MKADa, pradajecca cahlany dom 2021 hoda pabudovy. Jon dvuchpaviarchovy, z panaramnymi voknami. U im, zdajecca, jość usio nieabchodnaje dla sučasnaha žyćcia: haraž, sauna i ŭłasnaja rybnaja sažałka na ŭčastku, piša Realt.
Ahulnaja płošča — 373 kvadraty. U domie zroblena niekalki teras, uładalniki jašče darablajuć bałkon na druhim paviersie.
Cokal maje dva ŭvachody. Tam raźmiaścilisia topačnaja, dapamožnaje pamiaškańnie i vialikaja prastora pad haraž na niekalki mašyn. Śpiecyjalny asfaltavany zajezd užo zrobleny.
Na pieršym paviersie — vialikaja kuchnia-haścioŭnia z druhim śviatłom. Vokny tut vychodziać na dvor.
U inšaj častcy doma znachodziacca dapamožnaje pamiaškańnie, vialiki sanvuzieł z dušam i saunaj.
Na druhim paviersie ŭparadkavana spalnia z vychadam na bałkon, kabiniet i sanvuzieł.
Dom poŭnaściu meblavany i abstaŭleny bytavoj technikaj. U azdableńni pieravažna vykarystoŭvałasia dreva. Aciaplajucca pamiaškańni z dapamohaj hazavaha katła. U haścinaj padtrymlivaje ciapło kamin, zrobleny ciopłyja vadzianyja padłohi ź indyvidualnym rehulavańniem u kožnym pakoi. Vada pastupaje sa śvidraviny, kanalizacyja — miascovaja.
Učastak ź nievialikim pierapadam vyšyń zajmaje 20 sotak. Pa pierymietry jon abharodžany płotam, uzdoŭž jaho haspadary pasadzili chvoi. Na terytoryi vykapany dźvie sažałki sa stronhaj i lilejami.
Dom kaštuje 269 tysiač dołaraŭ.
Maksim Znak naviedaŭ śpiektakl «Zekamieron», pastaŭleny pa jahonaj knizie, napisanaj u SIZA4
Kamientary