Zialenski paprasiŭ ukrainskich žurnalistaŭ nie pisać pra karupcyju ŭ vojsku «da pieramohi»
Paśla vychadu žurnalisckaha rasśledavańnia pra zavyšanyja ceny na pradukty dla Minabarony prezident Ukrainy niepublična zaklikaŭ viadomyja miedyja časova nie prasoŭvać temu karupcyi.
Pra heta na kanfierencyi National Media Talk 2023, jakaja prachodziła ŭ Kijevie, raskazała hałoŭnaja redaktarka ZN.UA Julija Mastavaja, piša NV.
Jana nazvała toj vypadak «maleńkaj historyjaj, dzie ŭ kropli vady adlustroŭvajecca śviet».
Pra sustreču Zialenskaha z žurnalistami ŭ režymie «biez zapisu» Mastavoj raspaviali kalehi, bo samu jaje nie zaprasili. Kiraŭnik Ukrainy prasiŭ presu nie pisać ab karupcyi.
«U płanie karupcyi my b pryniali hetyja ŭmovy, kali b prezident skazaŭ: «Ja nie chaču, kab hetaja źjava raźjadała našy tyły, adbivałasia na mahčymaściach frontu. I tamu, voś čałaviek — Andrej Barysavič [Jarmak — kiraŭnik Ofisa prezidenta Ukrainy], inšyja ludzi, chto zaŭhodna. Voś jahony telefon. Kali ŭ vas jość arhumientavanyja treki, fakty, pryjdzicie, kali łaska, dadajcie ich hetamu čałavieku, jon adrazu voźmie trubku. I dajcie nam tydzień na reahavańnie. Kali za tydzień reahavańnia nie budzie, drukujcie, pakazvajcie, pišycie. Ale dajcie nam šaniec vypravicca», — skazała Mastavaja.
Adnak takoj prapanovy ad Zialenskaha nie prahučała, kanstatavała jana.
«Jon skazaŭ: maŭčycie da pieramohi. Kali budziem maŭčać, nijakaj pieramohi nie budzie», — ličyć hałoŭnaja redaktarka ZN.UA.
Paśla jašče adnaho karupcyjnaha skandału, źviazanaha z zakupkaj zimovaha adzieńnia dla vajskoŭcaŭ, 4 vieraśnia ministr abarony Ukrainy Alaksiej Reźnikaŭ napisaŭ zajavu ab adstaŭcy, na nastupny dzień Viarchoŭnaja Rada jaho zvolniła.
Ciapier čytajuć
Čamu my prajhrali ŭ 2020 hodzie? Razvahi Mikoły Dziadka23
Kamientary