Pamierła 16-hadovaja iranka, jakaja patrapiła ŭ komu paśla zatrymańnia za adsutnaść chidžaba
U Iranie 16-hadovaj žycharcy Tehierana Armicie Hieravand, jakaja ŭpała ŭ komu paśla zatrymańnia palicyjaj noravaŭ za adsutnaść chidžaba, dyjahnastavali śmierć mozha. Pra heta paviedamiła CNN sa spasyłkaj na dziaržaŭnyja iranskija ŚMI.
Dziaŭčynu zatrymali 1 kastryčnika 2023 hoda na stancyi mietro za toje, što jana była biez chidžaba.
Jak paviedamlali pravaabaroncy, palicyjanty faktyčna napali na Hieravand, jana atrymała surjoznyja traŭmy i ŭ vyniku ŭpała ŭ komu. Ułady Irana admaŭlali abvinavačańni ŭ palicejskim hvałcie i śćviardžali, što Hieravand sama straciła prytomnaść. Dziaržaŭnyja ŚMI pakazali intervju ź jaje baćkami, dzie jany paŭtarajuć hetuju viersiju, adnak maci Hieravand padkreślivaje, što nie ŭpeŭnienaja ŭ hetym.
Iranskaje dziaržaŭnaje ahienctva IRNA pakazała zapis z kamiery videanazirańnia na stancyi, dzie adbyŭsia incydent. Na im vidać, jak Hieravand ź dźviuma siabroŭkami zachodzić u ciahnik, paśla čaho jaje amal adrazu vynosiać biez prytomnaści na płatformu. Kadraŭ, na jakich zafiksavana toje, što adbyvajecca ŭ ciahniku, niama.
U vieraśni 2022 hoda paśla padobnaha vypadku, jaki adbyŭsia ź iranskaj aktyvistkaj Machsaj Amini, Iran achapiła chvala pratestaŭ, jakija ciahnulisia niekalki miesiacaŭ i byli zadušanyja ŭładami.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary