Apublikavany rejtynh krain ES pavodle ŭzroŭniu rasizmu. Raskazvajem, dzie rasavaj dyskryminacyi bolš
Novy dakład Jeŭrasajuza aceńvaje, u jakich krainach da ludziej inšaha koleru skury staviacca z bolšaj nieciarpimaściu, a dzie, naadvarot, takoj prablemy amal niama.
Ahienctva Jeŭrasajuza pa asnoŭnych pravach (AAP) vyśvietliła, što amal pałova ludziej afrykanskaha pachodžańnia rehularna sutykajecca z rasavaj dyskryminacyjaj i hvałtam u Jeŭrasajuzie. Heta bolš za pakazčyki, jakija byli ŭ papiaredniaj spravazdačy ad 2018 hoda.
Padrabiaznaści pieradaje ahienctva Euronews.
Kala 6750 ciemnaskurych ludziej byli apytanyja ŭ 13 krainach — čalcach ES. Ludziej apytvali ŭ Aŭstryi, Bielhii, Hiermanii, Danii, Irłandyi, Ispanii, Italii, Luksiemburhu, Polščy, Partuhalii, Finlandyi, Francyi i Šviecyi.
U trojku «lidaraŭ» pa ŭzroŭni rasizmu trapili Aŭstryja, Hiermanija i Finlandyja.
Pavodle Euronews, amal dźvie traciny ciemnaskurych žycharoŭ Aŭstryi (67%) i Hiermanii (65%) zajavili, što sutykalisia z rasavaj dyskryminacyjaj u roznych śfierach žyćcia. Vypadkaŭ prajaŭleńnia rasizmu tam u pieryjad z 2016 pa 2022 robicca tolki bolš: u Aŭstryi z momantu apošniaha daśledavańnia pakazčyki vyraśli z 42% da 64%, a ŭ Hiermanii rasizm pa ličbach pavialičyŭsia amal udvaja i zraŭniaŭsia z Aŭstryjaj: było 33%, stała 64%.
Najmienš rasisckimi krainami akazalisia Partuhalija i Polšča. Pavodle respandentaŭ AAP, tolki 17% i 19% (adpaviedna) ź ich sutykalisia z dyskryminacyjaj pa rasavaj i etničnaj prykmietach. Akramia taho, Partuhalija — heta jašče i adna z tych krain, dzie ŭzrovień rasizmu staŭ mienšy ŭ paraŭnańni z 2016 hodam.
«Uvohule daśledavańnie AAP pakazała, što rasavaja dyskryminacyja istotna ŭpłyvaje na štodzionnaje žyćcio respandentaŭ. 23% ź ich zajavili, što im było admoŭlena ŭ arendzie žylla z-za ich koleru skury. Jašče 23% adznačyli, što ŭ adras ich dziaciej byli vykazanyja pahrozy pa pryčynie etničnaha ci emihranckaha pachodžańnia. Za apošnija 5 hadoŭ kožny čaćviorty ciemnaskury čałaviek byŭ spynieny palicejskimi biez padstavy», — paviedamlaje Euronews.
Aŭtary dakłada papiaredžvajuć, što prajaŭleńni rasizmu i hvałtu časta zastajucca niezaŭvažanymi, što pazbaŭlaje achviar padtrymki i abarony, jakuju jany mohuć atrymać pavodle zakona ad arhanizacyj, jakija zaklikanyja ich abaraniać.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju16
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary