Vyručka sietki «Santa» vyrasła ŭ 1,5 razu, ale kampanija niasie straty
Vyručka TAA «Santa Rytejł», jakoje kiruje sietkaj «Santa», vyrasła pa vynikach dzieviaci miesiacaŭ u 1,5 razu. Jana skłała 1,545 młrd rubloŭ, vynikaje z dakumientaŭ, raźmieščanych na Adzinym partale finansavaha rynku, zaŭvažyŭ Reform.by.
Sabiekošt realizavanaj pradukcyi pavialičyŭsia pry hetym na 56,1%, da 1,186 młrd rubloŭ, i ŭ vyniku «Santa Rytejł» atrymała straty ad biahučaj dziejnaści ŭ pamiery 42,2 młn rubloŭ.
U minułym hodzie dzieviać miesiacaŭ hoda sietka skončyła z prybytkam ad biahučaj dziejnaści amal u 47 młn rubloŭ.
U vyniku sietka zafiksavała čystyja straty pa vynikach troch kvartałaŭ u 55,5 młn rubloŭ suprać čystaha prybytku ŭ 32,08 młn rubloŭ za anałahičny pieryjad minułaha hoda.
Rost vyručki adbyŭsia ŭ tym liku na fonie pierachodu da «Santy» kram sietki «Vitalur». Jany byli pieradadzienyja ŭ kiravańnie «Santa Rytejł» u pačatku hetaha hoda.
Ciapier čytajuć
Žonka Statkieviča raskazała, pra što paśpieła parazmaŭlać ź im16
Kamientary