Hiendyrektara TASS zvolnili za niapravilnaje aśviatleńnie buntu Pryhožyna
Zvalnieńnie hiendyrektara dziaržahienctva TASS Siarhieja Michajłava stała pakarańniem Kramla za praźmierna padrabiaznaje aśviatleńnie buntu PVK «Vahnier».
Michajłaŭ, jaki ŭznačalvaŭ TASS z 2012 hoda, pazbaviŭsia pasady 5 lipienia i byŭ pakarany paśla buntu «vahnieraŭcaŭ», jaki kaštavaŭ karjery niekatorym hienierałam, paviedamlaje The Moscow Times.
Pretenzijaj Kramla da Michajłava stała zališnie zaŭziataje «navinavaje» aśviatleńnie ŭziaćcia štaba ŭ Paŭdniovaj fiederalnaj akruzie ŭ toj momant, kali ŭłada publična prajaviła słabaść i znachodziłasia ŭ panicy. TASS adnym ź pieršych — ranicaj u subotu 24 červienia — apublikavaŭ fatahrafii z Rastova, jakija nahladna dakazvajuć, što bajcy «Vahniera» zaniali centr horada i błakavali štab kamandavańnia vojskami va Ukrainie.
«Niejkaje varjactva ŭ ich [u TASS] zdaryłasia», — skazaŭ The Moscow Times čynoŭnik urada.
U Kramli, dzie trymajuć usie ŚMI pad strohim kantrolem, byli niezadavolenyja jak epizodam ź miaciažom Pryhožyna, tak i ŭ cełym niedastatkovym uzroŭniem prapahandy z boku TASS, skazała krynica ŭ kiraŭnictvie ahienctva i paćvierdziła surazmoŭca ŭ Kramli. Alaksiej Hromaŭ, pieršy namieśnik kiraŭnika Administracyi prezidenta, jaki kuryruje ŚMI, «byŭ prosta ŭ lutaści», skazała krynica ŭ TASS.
Apošniaj kroplaj dla Kramla stała infarmacyja pra toje, što Michajłaŭ pakinuŭ Maskvu, kali braniatechnika «Vahniera» maršam ruchałasia na stalicu, a z aeraportaŭ adzin za adnym lacieli biznes-džety aliharchaŭ i čynoŭnikaŭ. Sam Michajłaŭ paviedamiŭ The Moscow Times, što padčas červieńskich padziej «znachodziŭsia ŭ svaim kabiniecie».
Paśla śmierci Pryhožyna razharnułasia baraćba za jaho spadčynu
«Usia heta vajna nam nach** nie patrebna». Cmierć Pryhožyna adbiłasia na nastrojach biełaruskich i rasijskich prapahandystaŭ
«U piekle jon budzie najlepšym». Bijahrafija Pryhožyna
Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?11
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary