Kiraŭnik śledstva pa spravach Cichanoŭskaj i Kaleśnikavaj staŭ advakatam
Siarod pryniatych u lik advakataŭ za apošnija čatyry miesiacy jość jak minimum dva vysokapastaŭlenyja siłaviki. Heta Michaił Mihura i Siarhiej Kuksa, piša resurs «Prava na abaronu».
Mihura zjaŭlaŭsia pieršym namieśnikam načalnika adździeła ŭnutranych spraŭ — načalnikam kryminalnaj milicyi Staŭbcoŭskaha RAUS Minskaj vobłaści.
U jurydyčnaj kansultacyi Staŭbcoŭskaha rajona ŭ adzin momant byli vyklikany na pieraatestacyju i pryznany niekampietentnymi ŭsie try advakaty.
Paśla hetaha jurydyčnaja kansultacyja hetaha nie samaha maleńkaha rajona Minskaj vobłaści doŭhi termin była biez advakataŭ — arhanizoŭvaŭsia tak zvany pryjom hramadzian advakatami, prypisanymi da zusim inšych kansultacyj. Mahčyma, mienavita takim sposabam była vyrašana prablema adsutnaści miascovych advakataŭ, piša «Prava na abaronu».
Siarhiej Kuksa byŭ śledčym pa palityčna matyvavanych kryminalnych spravach u pieryjad sa žniŭnia 2020 hoda. Pry hetym jon jak sam niepasredna pravodziŭ śledčyja dziejańni z udziełam palityčnych źniavolenych, tak i daručaŭ praviadzieńnie asobnych śledčych dziejańniaŭ padparadkavanym śledčym. Jon niepasredna składaŭ i padpisvaŭ pastanovy ab praviadzieńni apieratyŭna-vyšukovych, śledčych i pracesualnych dziejańniaŭ pa kryminalnych spravach.
Niepasredna jon byŭ adnym z kiraŭnikoŭ rasśledavańnia kryminalnych spraŭ u dačynieńni da Śviatłany Cichanoŭskaj, Maksima Znaka i Maryi Kaleśnikavaj, spraŭ inšych palityčnych źniavolenych. Byŭ pryniaty ŭ jurydyčnuju kansultacyju Centralnaha rajona h. Minska, paviedamlaje «Prava na abaronu».
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary
Kamu patrebnyja pasłuhi takich "advakataŭ"?
A jak chutka siłaviki pojduć u daktary i nastaŭniki?))