U Minsku moža źjavicca kałumbaryj dla chatnich hadavancaŭ
«U minčukoŭ šmat chatnich žyvioł. Jość uładalniki, jakija chočuć, kab u lubimych hadavancaŭ było miesca pachavańnia», — kažuć ułady.
U stalicy mohuć arhanizavać kałumbaryj dla chatnich žyvioł. Pra heta na sustrečy z kalektyvam pradpryjemstva «Faŭna horada» paviedamiŭ namieśnik staršyni Minharvykankama Aleh Korzun, pišuć «Minsk-Naviny».
Jon raspavioŭ, što taki dośvied aktualny ŭ inšych krainach, naprykład, u Rasii.
U maskoŭskim kałumbaryi dla chatnich žyvioł možna arandavać jačejku dla pamierłaha hadavanca na hod. U dalejšym, kali ŭładalnik nie padaŭžaje arendy, jačejku vyzvalajuć i zdajuć inšym achvotnym.
— U minčukoŭ šmat chatnich žyvioł. Jość uładalniki, jakija chočuć, kab u lubimych hadavancaŭ było miesca pachavańnia. Tamu razhledzim pytańnie stvareńnia takoha kałumbaryja, — skazaŭ A.Korzun.
Dyrektar «Faŭny horada» Tamara Carykoŭskaja adznačyła, što takaja pasłuha ŭ horadzie mahła b być zapatrabavanaj, tym bolš što stychijnyja mohiłki chatnich žyvioł pieryjadyčna źjaŭlajucca ŭ lasnych masivach. U toj ža čas, pa słovach kiraŭnika, minčanie ŭsio čaściej pryvoziać pamierłych hadavancaŭ u «Faŭnu horada» dla dalejšaj utylizacyi.
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary