Finlandyja ź piatnicy zakryje ŭsie pamiežnyja punkty na miažy z Rasijaj, aprača samaha paŭnočnaha
U stalicy Finlandyi Chielsinki prajšła pres-kanfierencyja, na jakoj kiraŭnik urada Pietery Orpa, kiraŭnik MUS Mary Rantanien i načalnik adździeła pamiežnaha ŭpraŭleńnia Marku Chasinien raskazali pra novyja abmiežavańni na ŭschodniaj miažy, piša Yle.fi.
U piatnicu, 24 listapada, apoŭnačy zakryjucca ŭsie punkty pierasiačeńnia miažy Finlandyi z Rasijaj, adkrytym zastaniecca tolki samy paŭnočny punkt Raja-Josepi.
Pa słovach ministarki ŭnutranych spraŭ Mary Rantanien, raniejšaje zakryćcio čatyroch punktaŭ propusku ŭ paŭdniova-ŭschodniaj Finlandyi zaśviedčyła efiektyŭnaść hetaj miery. Situacyja na miažy ŭ hetym rehijonie zastajecca spakojnaj.
Raniej situacyja abvastryłasia z-za štučna arhanizavanaha Rasijaj mihranckaha kryzisu. U listapadzie ŭ Finlandyju praz uschodniuju miažu prybyło kala 700 prośbitaŭ prytułku. Pa słovach finskich uładaŭ, Rasija admysłova prapuskaje na miažu ludziej, u jakich niama adpaviednych dakumientaŭ.
Adziny punkt propusku Raja-Josepi, jaki budzie dziejničać, — samy paŭnočny, i da jaho niaprosta dabracca. Premjer Pietery Orpa zajaviŭ, što kali situacyja ź mihrantami budzie paharšacca, to Finlandyja hatovaja da jašče bolš žorstkich zachadaŭ. Jon upeŭnieny, što Rasija sama spravakavała hetuju situacyju, i adpaviedna rasijski bok pry žadańni zdolny hetuju situacyju spynić.
Finlandyja źbirajecca całkam zakryć miažu z Rasijaj, pieramovy nie dali vyniku
Finlandyja moža zakryć usie punkty propusku na miažy z Rasijaj
Estonija i Narviehija śledam za Finlandyjaj rychtujucca zakryć miažu z Rasijaj
Zachodnija ekśpierty zaklikali pierajści da «doŭhaterminovaj stratehii strymlivańnia Rasii». «Ciarplivaj, ale ćviordaj»
Kamientary
Tolko nie učli mnienija russkoj diaspory,
a umnyj vrah vnutri — eto bolšie,čiem abyjakavaja małohramotnaja massa finskich statistov.
Chielsinki ž tožie možno viernuť.