34-hadovaja biełaruskaja lohkaatletka Alina Tałaj abjaviła ab zakančeńni spartyŭnaj karjery, paviedamiła «Trybuna».
U svaim instahram-akaŭncie Tałaj raskazała, što pačnie zajmacca trenierskaj dziejnaściu.
Tałaj źjaŭlajecca pryziorkaj čempijanataŭ śvietu i Jeŭropy ŭ barjernym biehu. Apošnija hady spartsmienku pieraśledavali traŭmy.
Hramadskaja pazicyja Aliny Tałaj była nieadnaznačnaj. Tak, u 2013-m jana, znachodziačysia na piku svajoj karjery, dała intervju «Priessbołu», dzie razvažała pra biełaruskija ściahi. Lohkaatletka kazała, što vyrasła pad čyrvona-zialonym ściaham, i adznačała, što jon joj padabajecca, kali padymajecca paśla pieramoh.
«Ale ŭsio ž taki davajcie nie budziem padmanvać adzin adnaho: naš koler — bieł-čyrvona-bieły», — zajaviła jana tady.
Da taho ž Tałaj vykazałasia ŭ padtrymku biełaruskaj movy, nazvaŭšy jaje rodnaj i pryznaŭšysia, što choć razmaŭlała na joj apošni raz u škole, nie suprać była b mieć praktyku znosin.
U toj ža čas u žniŭni 2020-ha, kali mnohija viadomyja spartoŭcy vykazalisia na temu žorstkaha hvałtu, učynienaha režymam Łukašenki, čakali niejkaj reakcyi i ad Tałaj, ale jaje nie było.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača38
Kamientary