«Dapamažycie nam vyrvać Biełaruś z kipciuroŭ Rasii» — Cichanoŭskaja ŭ Niamieččynie
Śviatłana Cichanoŭskaja siońnia ŭziała ŭdzieł u Kanhresie zialonych u niamieckim Karłsrue, dzie zaklikała dapamahčy nablizić pieramieny ŭ Biełarusi.
Dzień vizitu Cichanoŭskaj supaŭ z Dniom pamiaci achviar Haładamoru, jaki štohod adznačajecca ŭ čaćviortuju subotu listapada. Biełaruskaja lidarka zakranuła hetuju čullivuju temu ŭ svaim vystupie:
«My ŭspaminajem pra toj hienacyd, jaki 90 hadoŭ tamu zładziła Rasija. I nam treba abjadnacca, kab tyja žachi nikoli nie paŭtarylisia.
Dapamažycie nam vyrvać Biełaruś z kipciuroŭ Rasii i pryvieści Biełaruś u Jeŭropu.
Jeŭrapiejskaja budučynia dla nas nieabchodnaść, a nie prosta mahčymaść. Kali Biełaruś choča zastacca niezaležnaj krainaj, ustupleńnie ŭ Jeŭrapiejski Sajuz — heta adziny šlach, jakim možna hetaha dasiahnuć».
Cichanoŭskaja paćvierdziła razumieńnie, što Jeŭropa heta nie tolki mahčymaści, ale i abaviazacielstvy, u tym liku ŭ ramkach ustojlivaha raźvićcia.
«Našaje bačańnie Biełarusi na najvyšejšym uzroŭni adpaviadaje ideałam zialonych. My dumajem nie tolki pra Biełaruś, svabodnuju ad dyktatury, ale i pra Biełaruś, jakaja raźvivajecca zhodna z pryncypami ŭstojlivaha raźvićcia.
Demakratyčnaja Biełaruś hatova padtrymać jeŭrapiejski zialony kurs i vykanać svaje mižnarodnyja abaviazacielstvy. My ŭžo raspracavali prahramu »Zialonaja Biełaruś 2050», jakaja ŭklučaje nieabchodnyja reformy i kroki dla budučaha pierachodu da zialonaj ekanomiki», — zapeŭniła biełaruskaja lidarka.
Z boku biełaruskaj supolnaści, u svaju čarhu, Cichanoŭskaja ahučyła niekalki praktyčnych prośbaŭ:
- Padtrymać jeŭrapiejskija pamknieńni biełarusaŭ.
«Biełarusy chočuć pačuć ad vas, što naša budučynia — u Jeŭropie, i dźviery Jeŭropy dla nas adčynienyja.
Jeŭropa nikoli nie budzie ŭ biaśpiecy, pakul Biełaruś nie stanie svabodnaj. Tak što vaša padtrymka jeŭrapiejskaj budučyni Biełarusi — heta nie dabračynnaść. Heta inviestycyi ŭ śviet i biaśpieku ŭ Jeŭropie.»
- Dapamahčy biełaruskim ŚMI, hramadzianskaj supolnaści, palitviaźniam.
«U nas jość resursy dla isnavańnia, ale nam patrebnyja resursy dla pieramohi.»
- Nie zdymajcie Biełaruś z paradku dnia. Jana musić być nieadjemnaj častkaj pieradvybarnych prahram u Jeŭraparłamient.
«Tak vy demanstrujecie svaju prychilnaść demakratyi nie tolki ŭnutry Jeŭrapiejskaha Sajuza, ale i ŭsiudy, dzie joj pahražaje niebiaśpieka.»
- Dapamahčy pryciahnuć režym Łukašenki da adkaznaści.
«Za złačynstvy suprać čałaviečnaści. Za vykradańnie ŭkrainskich dziaciej. Za saŭdzieł u złačynnaj rasijskaj vajnie.»
- I narešcie dapamahčy Ukrainie vyjhrać hetuju vajnu.
«Pieramoha Ukrainy stanie kančatkovaj parazaj Pucina i Łukašenki.» — kanstatuje Cichanoŭskaja.
Biełaruskaja lidarka adznačyła važnaść rezalucyi Bundestaha pa Biełarusi, prapanavanaj zialonymi razam z SvDP i SDPH dva tydni tamu. Jana spadziajecca, što dziakujučy joj sprościcca pracedura lehalizacyi dla biełarusaŭ u Hiermanii.
«Dziakujučy joj biełarusy pačuli vielmi vyrazny sihnał: vy nie samotnyja. My razam u hetaj baraćbie.»
«Naša Niva» — bastyjon biełaruščyny
PADTRYMAĆČytajcie taksama:
Valer Kavaleŭski abmierkavaŭ pahłybleńnie parłamienckaha supracoŭnictva ź Isłandyjaj
Cichanoŭskaja naviedaje Łatviju
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary