Hramadstva11

Chto moža pieramahčy Bondaravu i na kaho ŭpłyvaje Azaronak

U novym vypusku «Tok» sacyjołah Hienadź Koršunaŭ razvažaje pra hryźniu łukašenkaŭcaŭ i ŭsiodazvolenaść viadomaj infakazački.

Volha Bondarava. Fota: sacyjalnyja sietki

Chto moža pieramahčy Bondaravu

Na pohlad Koršunava, Bondarava — heta varyjant haradskoj varjatki, jakaja trapiła ŭ dziaržaŭnaje rečyšča. Takich, jak Bondaravu i Azaronka, składana prycišyć navat ich kampańjonam, bo praz heta mohuć uźniknuć padazreńni. Tamu, ličyć sacyjołah, «ad jaje buduć chutčej dystancyjavacca, tak, kab nie zapeckacca. Ale, kab spynić, treba, kab jaje mocna zaniesła (a heta ŭžo zdarałasia)».

Na dumku sacyjołaha, pry kruciejšym zanosie Bondaravaj skažuć «stop» i «zakryjuć kapitalna». Ale, ličyć Koršunaŭ, heta małaimavierna.

Ci maje ŭpłyŭ na biełarusaŭ ašalełaja prapahanda

Va ŭpłyvie prapahandystaŭ nakštałt Azaronka, Hładkaj, Lebiedzievaj na hramadskaje mierkavańnie Hienadź Koršunaŭ vielmi sumniavajecca. «Jany mohuć upłyvać na takich ža prapahandystaŭ, jak jany sami, i na niekatoruju častku administracyi, mahčyma, na kiraŭnikoŭ rajvykankamaŭ, abłvykankamaŭ. Na hramadstva całkam — nie».

Koršunaŭ pryhadvaje: «Kali ja žyŭ va Ukrainie, u adnoj kampanii ŭkraincu pakazali Azaronka. Jon pahladzieŭ, zaśmiajaŭsia i kaža: «Fajny stendap». Jamu adkazali, što heta nie stendap a analityk. Jon nie zrazumieŭ. Heta ž zvarjacieły patok niečaha, što navat dumkami nie nazavieš. Kali ž jamu pakazali, što heta pieradača na dziaržaŭnym telebačańni, chłopiec prosta «vypaŭ».

Sacyjołah adznačaje, što byvajuć vypadki, kali ludzi, jakija talerantna adnosiacca da ŭłady, pahladzieŭšy na Azaronka, havorać: «Kali jon z hetaj kamandy, to mnie nie razam ź imi. Ja chutčej budu ad ich dalej».

Čamu łukašenkaŭcy hryzucca miž saboj

Na mierkavańnie Koršunava, łukašenkaŭcaŭ nasamreč ničoha nie jadnaje.

Vadzim Hihin, Andrej Kryvanosaŭ, Alaksandr Barsukoŭ, Natalla Ejsmant, Alaksandr Špakoŭski. Fota: sacsietki

Kali ŭ ich apanientaŭ jość kaštoŭnaści, ahulnyja mety, to ŭ łahiery łukašenkaŭcaŭ heta «hrošy, ułada, baraćba za ŭvahu pieršaha kresła i, peŭna, strach». «Źmiestu, stratehii, kaštoŭnaściaŭ niama. I tamu, jak hałodnyja sabaki, adno z adnym łajacca, hryzucca. Niachaj hryzucca. Heta dobra».

Hladzicie całkam:

Kamientary1

  • Babiłon
    07.12.2023
    Toje što viertuchajl nia maje ideałohii nie zamianiaje toj fakt što bolšaści biełarusaŭ načchać na budučyniu. Bolšaść žyvie adnym dniom. Takija ž "adnadnieŭki" vylazajuć u stan "lidaraŭ" pratestu. Jakija na chvali palityčnaha chajpa zajmajucca čym zaŭhodna tolki nie viartańniem Biełarusi ŭ demakratyčnaje rečyšča. I tak 30 hod, kožny vyłazić na takich jak "aduchatvaronnaja" Bondarava i Soncapadobny partajhienośsie i biez realnaha płana dziej, histaryčnaha rusła, dy j naahuł biez čaho niedź nacyjanalna-aryjentavanaha, adšturchoŭvajuć asob jakija majuć nierakanaŭčyja abhruntavańni ad finansavych patokaŭ pad prykryćciem, my "zmahajemsia"… i płanaŭ štości mianiać u ich niama, tak jak i dziejučaja akupacyjnaja adminisracyjaia pry źmienach u palityčna-hramadskim žyćci ŭ ich niama budučyni. Tamu ŭ biełarusaŭ nie adna a dźvie prablemy: palityčny bałast "ala lidery" nu i havaraščaja hałava. Karaciej pamiž mołatam i nakavalniaj
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Azaronak napisaŭ pra palitemihranta — paśla hetaha brata i baćku taho kinuli za kraty2

Azaronak napisaŭ pra palitemihranta — paśla hetaha brata i baćku taho kinuli za kraty

Usie naviny →
Usie naviny

Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie6

U Biełarusi za 5 tysiač rubloŭ pradajuć 200-rublovuju banknotu. U jaje vielmi niezvyčajny brak1

U ZŠA mohuć zapuścić realici-šou, dzie imihranty buduć spaborničać za hramadzianstva3

Zatrymali administratara biełaruskaj Vikipiedyi Maksima Lepušenku5

Biełaruski VUP vyras na 2,8 pracenta, ale tempy zapavolilisia1

Dla ŭsich dziesiacikłaśnikaŭ uviaduć vučebna-palavyja zbory35

U tyktoku pakistancam rekłamujuć mahčymaść atrymańnia dazvołu na pracu ŭ Biełarusi. Ale biełarusy bačać padvoch adrazu1

Karpiankoŭ zajaviŭ, što 90% navabrancaŭ chočuć słužyć pa kantrakcie18

Rasija vystaviła Ukrainie vosiem umoŭ21

bolš čytanych navin
bolš łajkanych navin

Azaronak napisaŭ pra palitemihranta — paśla hetaha brata i baćku taho kinuli za kraty2

Azaronak napisaŭ pra palitemihranta — paśla hetaha brata i baćku taho kinuli za kraty

Hałoŭnaje
Usie naviny →

Zaŭvaha:

 

 

 

 

Zakryć Paviedamić