Marazy adstupiać, a śnieh stanie «mokrym». Jakim budzie nadvorje na nastupnym tydni
Zima paśpieła prajavić siabie bahatymi śniehapadami i marazami, słupki termomietraŭ u siarednim pakazvali tempieraturu nižejšuju za normu. Ale na nastupnym tydni ŭsio źmienicca. Jakoha nadvorja čakać biełarusam na praciahu nastupnych siami dzion, u prahramie «Mieteahid» na ANT raskazaŭ sinoptyk Dźmitryj Rabaŭ.
Pavodle Dźmitryja Rabava, na nastupnym tydni ŭ Biełaruś z Atłantyki pastupić ciopłaje akijaničnaje pavietra. Marazy adstupiać, a śnieh stanie «mokrym». Čakajuć hałalod i tumany.
U pačatku tydnia atłantyčny cykłon pryniasie ŭ Biełaruś vobłačnaje nadvorje, śnieh, miescami — śnieh z daždžom. Vilhotnaść da 90 pracentaŭ. Unačy — ad -3⁰S da +3⁰S, dniom u paniadziełak ad -3⁰S da +1⁰S, u aŭtorak — kala 0⁰S.
U siaredzinie tydnia projduć karotkačasovyja apadki. Viecier paŭdniovy, umierany. Vilhotnaść da 90 pracentaŭ. Na asobnych učastkach daroh ślizka.
Unačy ŭ sieradu ad -3⁰S da +2⁰S, dniom — ad 0⁰S da -3⁰S.
U pačatku druhoj pałovy tydnia čakajucca apadki roznaj «stupieni ciažkaści». Vilhotnaść zachavajecca. Miescami mahčymy tuman. Viecier umierany. Dniom u čaćvier — ad 0⁰S da -6⁰S, u piatnicu — ad -1⁰S da -5⁰S.
U vychadnyja dni projdzie nievialiki śnieh. Mahčymy tumany. Viecier zachodni, umierany. Unačy ad -9°S pa ŭschodzie da +2°S pa zachadzie, dniom u subotu — ad 0°S da -8°S, u niadzielu — kala 0°S.
Kamientary