«Ja prosta prašu kavałak lodu». Tramp skazaŭ, što nie budzie zachoplivać Hrenłandyju siłaj
Vystupajučy na Suśvietnym ekanamičnym forumie ŭ Davosie, prezident ZŠA Donald Tramp znoŭ zajaviŭ, što razhladaje Hrenłandyju jak abjekt mahčymaj kupli. Pa jaho słovach, «tolki ŭłasnaść možna sapraŭdy abaranić», tamu mienavita ZŠA, a nie Jeŭropa ci NATA, zdolnyja harantavać biaśpieku vostrava.
Tramp zajaviŭ, što nie źbirajecca vykarystoŭvać vajennuju siłu i imkniecca da «nieadkładnych pieramoŭ» ab kupli Hrenłandyi, spasyłajučysia na stratehičnyja intaresy Vašynhtona.
Źviartajučysia da hienieralnaha sakratara NATA Marka Rute, jon adznačyŭ, što Vašynhton, maŭlaŭ, «nikoli ničoha nie atrymlivaŭ ad aljansu», akramia vypadkaŭ, kali pahražaŭ praźmiernaj siłaj. Pry hetym Tramp padkreśliŭ: «Ale hetaha ja rabić nie budu. Heta majo hałoŭnaje abiacańnie — ja nie prymianiu hvałt».
«Usio, što ZŠA prosiać — miesca pad nazvaj «Hrenłandyja», jakoje ŭ nas užo było, ale jakoje my addali Danii paśla taho, jak pieramahli niemcaŭ, japoncaŭ, italjancaŭ i inšych u Druhoj suśvietnaj. My byli vielmi mahutnym vojskam tady, ale my kudy bolš mahutnaje vojska ciapier», — zajaviŭ Tramp. Paśla jon sfarmulavaŭ heta jašče praściej: «Ja chaču tolki kavałak lodu».
Jon taksama raskrytykavaŭ hrenłandcaŭ za «niaŭdziačnaść», zajaviŭšy, što «dla ZŠA było durnotaj viartać Hrenłandyju Danii».
U kancy pramovy Tramp pierajšoŭ da bolš rašučych farmulovak, pasyłajučy sajuźnikam pa NATA niedvuchsensoŭny sihnał: «Vy možacie skazać «tak», i my budziem vielmi ŭdziačnyja. Ci skazać «nie» — i my heta zapomnim».
Pramova, jakaja doŭžyłasia amal paŭhadziny, nie vyklikała apładysmientaŭ — zała reahavała tolki redkim śmiecham paśla ahavorak i rezkich zajaŭ. Prezident taksama paskardziŭsia na «niaspraviadlivaje staŭleńnie» da ZŠA ŭ NATA, adznačyŭšy, što Amieryka ŭkładaje ŭ aljans bolš za ŭsich, ale atrymlivaje mała ŭzamien.
Tramp u Davosie: Jeŭropa ruchajecca nie ŭ tym kirunku
«Boh vielmi hanarycca pracaj, jakuju ja zrabiŭ». Tramp vylecieŭ na Suśvietny ekanamičny forum u Davosie
Premjer Kanady: Stary suśvietny paradak nie vierniecca, siarednim dziaržavam treba trymacca razam
Rudkoŭski tłumačyć, čamu Tramp maje racyju nakont Hrenłandyi
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1010
Kamientary
Nu ja jak zaŭždy sa svaim lubimym kantekstam. Abmazany syrnym Čytasam šaścirazovy bankrot tut jak zaŭždy chłusić jak dychaje. ZŠA sapraŭdy mieli faktyčny vajskovy kantrol nad Hrenlandyjaj paśla akupacyi Hitleram macierykovaj Danii. Ale vajskovy kantrol ZŠA nad Hrenlandyjaj praduhledžvaŭ tady tolki abaronu, kab vostraŭ nie paŭtaryŭ los macierykovaj častki. I ŭsio. Hety kantrol nijak nie źmianiaŭ jurydyčny status Hrenlandyi – u stalicy Hrenlandyi nie spuskaŭsia dacki ściah, navat dziejničała dalej dackaja administracyja, jakaja mieła poŭnuju svabodu dziejańniaŭ (naprykład, navat pradstaŭlała Daniju ŭ Vašynhtonie ŭ aficyjnym dypłamatyčnym ranhu).