Alaksandr Łukašenka 13 śniežnia ŭ Pałacy Niezaležnaści sklikaŭ naradu pa vynikach zamiežnych vizitaŭ. Jon choča, kab urad i inšyja adkaznyja apieratyŭna padklučylisia da realizacyi damoŭlenaściaŭ, pieradaje BIEŁTA.
Łukašenka pastaviŭ zadaču pamočniku Alaksandru Kosincu ŭziać na kantrol rabotu z Ekvataryjalnaj Hviniejaj i Kienijaj — krainami ŭ Afrycy, dzie jon pabyvaŭ.
Havoračy ab Kienii, Łukašenka taksama źviarnuŭsia da Viktara Šejmana. «Ja vam užo havaryŭ padčas palotu: vaźmicie i zajmajciesia Afrykaj, jak kaliści vy pačynali. Jana pavinna być pad kantrolem u vas jak śpiecyjalnaha pasłańnika prezidenta (tak Łukašenka nazyvaje siabie — NN). Pa Kienii vy viedajecie pytańni, pa jakich nas paprasiŭ prezident dapamahčy im: try hłabalnyja vyhadnyja dla nas pytańni. Nu i inšyja. Tamu Afryka i Kienija asobna — heta vaša pytańnie. Afrykanski kantynient. Vy pačynali tam, vy za jaho adkazvajecie», — skazaŭ Łukašenka, nie nazvaŭšy padrabiaznaściaŭ damoŭlenaściaŭ.
Za pracu z Kitajskaj Narodnaj Respubliki piersanalnuju adkaznaść ciapier pierad Łukašenkam niasie pieršy vice-premjer Mikałaj Snapkoŭ, Indyju daručyli ciapierašniamu kiraŭniku MZS Siarhieju Alejniku.
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń82
Kamientary