Аляксандр Лукашэнка 13 снежня ў Палацы Незалежнасці склікаў нараду па выніках замежных візітаў. Ён хоча, каб урад і іншыя адказныя аператыўна падключыліся да рэалізацыі дамоўленасцяў, перадае БЕЛТА.
Лукашэнка паставіў задачу памочніку Аляксандру Косінцу ўзяць на кантроль работу з Экватарыяльнай Гвінеяй і Кеніяй — краінамі ў Афрыцы, дзе ён пабываў.
Гаворачы аб Кеніі, Лукашэнка таксама звярнуўся да Віктара Шэймана. «Я вам ужо гаварыў падчас палёту: вазьміце і займайцеся Афрыкай, як калісьці вы пачыналі. Яна павінна быць пад кантролем у вас як спецыяльнага пасланніка прэзідэнта (так Лукашэнка называе сябе — НН). Па Кеніі вы ведаеце пытанні, па якіх нас папрасіў прэзідэнт дапамагчы ім: тры глабальныя выгадныя для нас пытанні. Ну і іншыя. Таму Афрыка і Кенія асобна — гэта ваша пытанне. Афрыканскі кантынент. Вы пачыналі там, вы за яго адказваеце», — сказаў Лукашэнка, не назваўшы падрабязнасцяў дамоўленасцяў.
За працу з Кітайскай Народнай Рэспублікі персанальную адказнасць цяпер перад Лукашэнкам нясе першы віцэ-прэмʼер Мікалай Снапкоў, Індыю даручылі цяперашняму кіраўніку МЗС Сяргею Алейніку.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары