Śviet

U Isłandyi pačałosia vyviaržeńnie čarhovaha vułkana

Daŭžynia raskoliny ŭ vułkanie składaje kala 3,5 km, łava ciače z chutkaściu kala 100-200 kubičnych mietraŭ na siekundu. Heta ŭ šmat razoŭ bolš, čym pry papiarednich vyviaržeńniach.

Fota: Icelandic Met Office

Na paŭvostravie Rejkjanies na paŭdniovym zachadzie Isłandyi paśla niekalkich mocnych ziemlatrusaŭ adbyłosia vyviaržeńnie vułkana, piša Bi-bi-si.

Raniej z rybackaha haradka Hryndavik evakujavali kala 4 tysiač čałaviek, a raźmieščany niepadalok hieatermalny kurort «Błakitnaja łahuna» byŭ zakryty.

Vyviaržeńnie pačałosia za 4 km na paŭnočny ŭschod ad Hryndavika ŭ 22:17 pavodle miascovaha času, paviedamiła isłandskaje mietearałahičnaje biuro, udakładniajučy, što siejśmičnaja aktyŭnaść ruchajecca ŭ bok horada.

Daŭžynia raskoliny ŭ vułkanie składaje kala 3,5 km, łava ciače z chutkaściu kala 100-200 kubičnych mietraŭ na siekundu, dadali ŭ viedamstvie.

Mietearałahičnaje biuro Isłandyi adznačaje, što heta ŭ šmat razoŭ bolš, čym pry papiarednich vyviaržeńniach na paŭvostravie Rejkjanies za apošnija hady.

Z kanca kastryčnika ŭ rajonie stalicy krainy Rejkjavika nazirajecca pavyšanaja siejśmičnaja aktyŭnaść, tam byli zarehistravanyja tysiačy padziemnych šturškoŭ.

Na fotazdymkach i videa, apublikavanych u sacsietkach, vidać, jak łava vyryvajecca z vułkana. Za hadzinu da taho ŭ hetym rajonie była zafiksavana čarada ziemlatrusaŭ.

Fota: Icelandic Met Office

Staršy aficer hramadzianskaj abarony Vidzir Rejnisan paviedamiŭ Nacyjanalnaj telekampanii RUV, što vyviaržeńnie adbyłosia chutka i, miarkujučy z usiaho, było «davoli bujnym». Pavodle jaho słoŭ, łava ciače va ŭsich napramkach ź vialikaj raskoliny ŭ vułkanie.

«Łava vyryvałasia z vułkana vysokimi strumieniami, tak što, miarkujučy z usiaho, vyviaržeńnie było mahutnym u samym pačatku», — skazaŭ jon.

Vyviaržeńnie možna nazirać z Rejkjavika, jaki znachodzicca prykładna za 42 km na paŭnočny ŭschod ad Hryndavika.

Adzin ź vidavočcaŭ u horadzie raspavioŭ Bi-bi-si, što pałova nieba ŭ napramku Hryndavika čyrvonaha koleru, u pavietra padnimajucca kłuby dymu, a palicyja prosić ludziej trymacca dalej ad hetaha rajona.

Premjer-ministarka Isłandyi Katryn Jakabsdocir skazała, što spadziajecca na stanoŭčy efiekt ad niadaŭna pabudavanych achoŭnych zbudavańniaŭ.

Prezident Hudni Jochanesan adznačyŭ, što hałoŭnym pryjarytetam źjaŭlajecca zachavańnie žyćcia ludziej, ale pry hetym buduć zrobleny ŭsie namahańni dla abarony budynkaŭ.

U krasaviku 2010 hoda vyviaržeńnie vułkana Ejiafjałajokudl stała pryčynaj najbujniejšaha z časoŭ Druhoj suśvietnaj vajny zakryćcia jeŭrapiejskaha pavietranaj prastory z-za šyrokaha vobłaka popiełu. Straty aceńvalisia ŭ 1,5-2,5 młrd jeŭra.

Kamientary

Ciapier čytajuć

Jakija harady najbolš paciarpieli ad palityčnych represij? Voś śpis4

Jakija harady najbolš paciarpieli ad palityčnych represij? Voś śpis

Usie naviny →
Usie naviny

«Łuŭr abrabavali siarod biełaha dnia. A mianie ŭ Biełarusi krama vyličyła za 7 chvilin pa bonusnaj kartcy»10

U Homieli baćki ŭsio čaściej dajuć dzieciam dva imieni9

Pad novyja sankcyi ES trapili biełaruskija banki. Što źmienicca na praktycy?24

U KNDR uzvodziać miemaryjał u honar sałdat, što zahinuli za Rasiju9

Tramp: ZŠA rychtujucca pačać suchaputnuju vajennuju apieracyju ŭ Vieniesuele22

Trom žančynam dali kałoniju i vielizarnyja štrafy za dvarovy čat. Siarod ich 62‑hadovaja zavuč10

Žančyna z Ryhi raskazała, jak jeździła ŭ Biełaruś rabić zuby15

Biełaruski hulec uvachodzić u top-5 samych ciažkich chakieistaŭ Nacyjanalnaj chakiejnaj lihi5

Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF7

bolš čytanych navin
bolš łajkanych navin

Jakija harady najbolš paciarpieli ad palityčnych represij? Voś śpis4

Jakija harady najbolš paciarpieli ad palityčnych represij? Voś śpis

Hałoŭnaje
Usie naviny →

Zaŭvaha:

 

 

 

 

Zakryć Paviedamić