Sienat ZŠA nie zmoža prahałasavać za pakiet dapamohi Ukrainie i ŭzmacnieńnie biaśpieki miežaŭ ZŠA da pačatku nastupnaha hoda, zajavili lidary abiedźviuch partyj u Sienacie, piša «Jeŭrapiejskaja praŭda».
Respublikaniec Džon Ćjun zajaviŭ, što pahadnieńnie nie budzie dasiahnuta da studzienia 2024 hoda, adznačyŭšy, što «demakraty ŭpuścili čas da taho momantu, kali mahčyma damoŭlenaść» pa biaśpiecy miežaŭ da Kaladaŭ.
Lidar demakrataŭ u Sienacie Čak Šumier adznačyŭ, što «pierahavorščyki buduć pracavać vielmi staranna padčas śniežańskich i studzieńskich kanikułaŭ, i našaja meta — zrabić niešta, jak tolki my vierniemsia».
U sumiesnaj zajavie demakraty i respublikancy zajavili, što ŭdzielniki pieramovaŭ «dasiahajuć abnadziejlivaha prahresu», ale «zastajucca składanyja pytańni».
Raniej paviedamlałasia, što zakanadaŭcy ZŠA ŭsio jašče nie mohuć damovicca ab pakiecie mier pa ŭmacavańni biaśpieki miažy ŭ abmien na hałasy respublikancaŭ za zakonaprajekt, jaki ŭklučaje dapamohu Ukrainie, a taksama Izrailu.
Ciapierašnich srodkaŭ ad ZŠA chopić tolki na adzin pakiet vajennaj dapamohi da kanca hoda.
Bieły dom u kastryčniku źviarnuŭsia da Kanhresa ZŠA z prośbaj uchvalić dadatkovaje finansavańnie, u tym liku bolš za 60 miljardaŭ dołaraŭ dla Ukrainy. Ale jano zachrasła ŭ Sienacie z-za supiarečnaściaŭ pamiž partyjami ŭ pytańni biaśpieki miažy ź Mieksikaj.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary