Сенат ЗША не зможа прагаласаваць за пакет дапамогі Украіне і ўзмацненне бяспекі межаў ЗША да пачатку наступнага года, заявілі лідары абедзвюх партый у Сенаце, піша «Еўрапейская праўда».
Рэспубліканец Джон Цьюн заявіў, што пагадненне не будзе дасягнута да студзеня 2024 года, адзначыўшы, што «дэмакраты ўпусцілі час да таго моманту, калі магчыма дамоўленасць» па бяспецы межаў да Калядаў.
Лідар дэмакратаў у Сенаце Чак Шумер адзначыў, што «перагаворшчыкі будуць працаваць вельмі старанна падчас снежаньскіх і студзеньскіх канікулаў, і нашая мэта — зрабіць нешта, як толькі мы вернемся».
У сумеснай заяве дэмакраты і рэспубліканцы заявілі, што ўдзельнікі перамоваў «дасягаюць абнадзейлівага прагрэсу», але «застаюцца складаныя пытанні».
Раней паведамлялася, што заканадаўцы ЗША ўсё яшчэ не могуць дамовіцца аб пакеце мер па ўмацаванні бяспекі мяжы ў абмен на галасы рэспубліканцаў за законапраект, які ўключае дапамогу Украіне, а таксама Ізраілю.
Цяперашніх сродкаў ад ЗША хопіць толькі на адзін пакет ваеннай дапамогі да канца года.
Белы дом у кастрычніку звярнуўся да Кангрэса ЗША з просьбай ухваліць дадатковае фінансаванне, у тым ліку больш за 60 мільярдаў долараў для Украіны. Але яно захрасла ў Сенаце з-за супярэчнасцяў паміж партыямі ў пытанні бяспекі мяжы з Мексікай.
Цяпер чытаюць
Беласток на вушах праз знікненне актывіста Вайцяхоўскага, суседа памерлага шпіёна Усера. А той цішком вярнуўся ў Беларусь12
Каментары