Pad ataku Bondaravaj patrapiŭ repier Siaroha. Pryčyna vielmi surjoznaja
«Infakazačka» Volha Bondarava praciahvaje aktyŭna zmahacca adrazu na dvuch frantach. Z adnaho boku, jana nie spyniajecca beścić i danosić na ŭsio, u čym bačyć choć by najmienšyja prajavy maralnaha supracivu režymu Łukašenki abo rasijskim upłyvam, a z druhoha — niastomna šukaje schavanych vorahaŭ unutry sistemy. Hetym razam pad razdaču patrapiŭ viadomy prychilnik Łukašenki ź liku muzykaŭ — Siarhiej Parchomienka, bolš viadomy jak repier Siaroha.
Uklučyŭšy BT-1, Bondarava pabačyła, što na pieradačy «Faktar baj», jakaja vyjšła ŭ efir 22 śniežnia, repier Siaroha zasiadaje ŭ žury ŭ majstarcy z pałosami, spałučeńnie jakich daŭno ŭžo vyklikaje va ŭsich łukašystaŭ šał i razdražnieńnie.
Bondaravu ž, jak viadoma, davodziać da šalenstva i razdražniajuć navat kudy bolš biaskryŭdnyja rečy, tamu tut jana nijak nie mahła zastacca abyjakavaj.
«Ci nie skacilisia niekatoryja ŭ svaim adzinstvie da pryniaćcia bčb, jak hetaha i aścierahalisia patryjoty, jakija ŭ 2020-m haroj stali za prezidenta i jakija siońnia padviarhajucca biesprecedentnamu šalmavańniu?» — zadaje rytaryčnaje pytańnie viadomaja majstrycha šalmavańnia ŭsich niazhodnych.
Za kampaniju dastałosia i viadučaj šou, jakaja, praŭda, ničoha ideałahična sumnieŭnaha na sabie nie mieła, zatoje «maje vyhlad hości porna-bł…šnika Iŭlijevaj». Z hetaha była zroblena vysnova, što «televizijščykam načchać na normy marali i zakonnaści».
«Čorny bumier», Palihraf ŠarykOFF, śpiavak pry Łukašenku: jak mianiałasia žyćcio repiera Siarohi
«Čorny bumier» vydychnuŭsia. Repier Siaroha šakavaŭ słuchačoŭ «TraktarŠou» svaim vystupam
«Vot i les, i opuška, a za niej dierievuška…» Repier Siaroha napisaŭ pieśniu pra spalenuju viosku
«Heta adna z samych svabodnych terytoryj i adna z samych spraviadlivych». Śpiavak Siaroha raskazaŭ, čamu viarnuŭsia ŭ Biełaruś
Ciapier čytajuć
Łukašenka pakazaŭsia ŭ Amanie tolki na čaćviorty dzień vizitu — doma ŭ sułtana. Ź im Viktar i Kola2
Kamientary