Пад атаку Бондаравай патрапіў рэпер Сярога. Прычына вельмі сур'ёзная
«Інфаказачка» Вольга Бондарава працягвае актыўна змагацца адразу на двух франтах. З аднаго боку, яна не спыняецца бэсціць і даносіць на ўсё, у чым бачыць хоць бы найменшыя праявы маральнага супраціву рэжыму Лукашэнкі або расійскім уплывам, а з другога — нястомна шукае схаваных ворагаў унутры сістэмы. Гэтым разам пад раздачу патрапіў вядомы прыхільнік Лукашэнкі з ліку музыкаў — Сяргей Пархоменка, больш вядомы як рэпер Сярога.
Уключыўшы БТ-1, Бондарава пабачыла, што на перадачы «Фактар бай», якая выйшла ў эфір 22 снежня, рэпер Сярога засядае ў журы ў майстарцы з палосамі, спалучэнне якіх даўно ўжо выклікае ва ўсіх лукашыстаў шал і раздражненне.
Бондараву ж, як вядома, даводзяць да шаленства і раздражняюць нават куды больш бяскрыўдныя рэчы, таму тут яна ніяк не магла застацца абыякавай.
«Ці не скаціліся некаторыя ў сваім адзінстве да прыняцця бчб, як гэтага і асцерагаліся патрыёты, якія ў 2020-м гарой сталі за прэзідэнта і якія сёння падвяргаюцца беспрэцэдэнтнаму шальмаванню?» — задае рытарычнае пытанне вядомая майстрыха шальмавання ўсіх нязгодных.
За кампанію дасталося і вядучай шоу, якая, праўда, нічога ідэалагічна сумнеўнага на сабе не мела, затое «мае выгляд госці порна-бл…шніка Іўліевай». З гэтага была зроблена выснова, што «тэлевізійшчыкам начхаць на нормы маралі і законнасці».
«Чорны бумер», Паліграф ШарыкOFF, спявак пры Лукашэнку: як мянялася жыццё рэпера Сярогі
«Чорны бумер» выдыхнуўся. Рэпер Сярога шакаваў слухачоў «ТрактарШоу» сваім выступам
«Вот и лес, и опушка, а за ней деревушка…» Рэпер Сярога напісаў песню пра спаленую вёску
«Гэта адна з самых свабодных тэрыторый і адна з самых справядлівых». Спявак Сярога расказаў, чаму вярнуўся ў Беларусь
Беларус жыве ў доме, які пабудаваў з саломы, пяску і гліны. Пры гэтым ён — адзіны жыхар вёскі. Як адчуванні?7
Каментары