Majku futbalista Ramana Vasiluka pradali z aŭkcyjonu za 14001 rubiel
Futbołku lepšaha bambardzira ŭ historyi biełaruskaha futboła, bieraściejca Ramana Vasiluka pradadali na aŭkcyjonie. Usie atrymanyja ad prodažu hrošy pojduć u bresckaje adździaleńnie Biełaruskaha dziciačaha fondu.
45-hadovy Vasiluk, jaki skončyŭ aktyŭnuju hulniavuju karjeru ŭ 2019 hodzie, u listapadzie hetaha hoda znoŭ vyjšaŭ na pole suprać kamandy «FK 10», stvoranaj rasijskimi humarystami Azamatam Musahalijevym i Dzianisam Dorachavym. Paśla hetaj hulni, futbołka, u jakoj hulaŭ kaliści słavuty futbalist, była vystaŭlenaja na aŭkcyjon, jaki išoŭ z 22 pa 25 śniežnia.
Startavaja cana łota była 250 rubloŭ, u vyniku ž majku nabyli za 14001 rubiel. Rozyhryš prachodziŭ na śpiecyjalnym sajcie. Čamuści abaviazkovaj umovaj udziełu ŭ im była mahčymaść apłaty koštu łota praz ARIP.
Napadajučy Raman Vasiluk pačynaŭ svaju hulniavuju karjeru ŭ 1990-ja hady ŭ bresckim «Dynama», paśla hulaŭ u mnohich inšych kłubach ź Biełarusi, Rasii i Izraila. U čempijanacie Biełarusi Vasiluk zabiŭ 218 hałoŭ, što źjaŭlajecca absalutnym rekordam za ŭsie časy. Akramia taho, jon pravioŭ 25 matčaŭ za zbornuju Biełarusi, zabiŭšy 10 hałoŭ.
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary