Chaŭjer Milej aficyjna napisaŭ Pucinu i Si, što Arhienciny nie budzie ŭ BRIKS
Prezident Arhienciny aficyjna paviedamiŭ členam BRIKS, što jaho kraina nie dałučycca da hrupy. Pra heta paviedamiŭ telekanał TN.
U liście arhiencinski lidar napisaŭ, što nie ličyć u dadzieny momant darečnym udzieł krainy ŭ BRIKS.
BRIKS (anhł. BRICS — skaračeńnie ad Brazil, Russia, India, China, South Africa) — miždziaržaŭnaje abjadnańnie, pieršapačatkova sajuz piaci dziaržaŭ: Brazilii, Rasii, Indyi, KNR, PAR.
1 studzienia 2024 hoda da sajuza dałučacca Jehipiet, Iran, AAE, Saudaŭskaja Aravija i Efiopija. Taksama majuć dałučycca Indaniezija i Turcyja.
Mierkavałasia, što BRIKS budzie sajuzam dziaržaŭ, jakija raźvivajucca, a dvuchbakovyja adnosiny pamiž krainami budujucca na asnovie nieŭmiašańnia, roŭnaści i ŭzajemnaj vyhady. Z 2009 hoda ŭrady krain BRIKS štohod sustrakajucca na aficyjnych samitach (pieradapošni 14-y samit adbyŭsia 24 červienia 2022 u KNR). Akramia samitaŭ, sustrečy prachodziać na ŭzroŭni kiraŭnikoŭ MZS, ministraŭ finansaŭ i inšych.
Čatyry ź piaci členaŭ uvachodziać u dziasiatku najbujniejšych dziaržaŭ śvietu pa kolkaści nasielnictva, pa płoščy i VUP, za vyklučeńniem PAR, jakaja zajmaje dvaccać čaćviortaje miesca pa płoščy i tryccać druhoje — pa VUP. Ahulnaja płošča krain BRIKS składaje 39 746 220 kvadratnych kiłamietraŭ, a ahulnaja kolkaść nasielnictva aceńvajecca prykładna ŭ 3,21 młrd čałaviek, što składaje kala 26,7% suśvietnaj pavierchni sušy i 41,5% nasielnictva płaniety.
Usiaho zajaŭki na ŭstupleńnie ŭ arhanizacyju padavali 23 dziaržavy, u tym liku Biełaruś.
U Arhiencinie vypuścili kupiury, jakija ŭ 25 razoŭ pieravyšajuć naminał raniejšaj samaj vialikaj
Novy prezident Arhienciny abviaściŭ płan libieralizacyi ekanomiki. U krainie pačalisia pratesty
U Arhiencinie devalvujuć aficyjny kurs piesa bolš čym udvaja
Biełaruś nie ŭziali ŭ BRIKS. Što heta za arhanizacyja?
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia28
Kamientary