74 zahinuli, 27 paranienych. Źjavilisia novyja źviestki pra kolkaść zahinułych u vyniku ataki na karabiel «Novačarkask»
Partał «Naviny Sievastopala» sa spasyłkaj na «Niezaležnaje telebačańnie Sievastopala» paviedamiŭ, što ŭ vyniku ŭkrainskaj ataki na bujny rasijski desantny karabiel «Novačarkask» u porcie Fieadosii zahinuli 74 čałavieki, a jašče 27 atrymali ranieńni. Praŭda, nieŭzabavie hetuju infarmacyju vydalili.
Infarmacyja na sievastopalskich resursach źjaviłasia sa spasyłkaj na adździeł infarmacyjnaha zabieśpiačeńnia Čarnamorskaha fłotu.
Taksama paviedamlajecca, što hałoŭnakamandujučy vajskova-marskim fłotam Rasii admirał Mikałaj Jaŭmienaŭ źviarnuŭsia da kiraŭnika administracyi horada Novačarkaska Juryja Łysienki z prapanovaj abviaścić na terytoryi horada dvuchdzionnuju žałobu. Akramia taho, jon prapanavaŭ razhledzieć pytańnie ab dapamozie siemjam zahinułych marakoŭ, jakija słužyli na karabli.
U toj ža čas pa infarmacyi, pradstaŭlenaj kiraŭnikom rasijskaj akupacyjnaj administracyi Kryma Siarhiejem Aksionavym, u vyniku ataki zahinuŭ tolki adzin čałaviek, a dvoje paranienyja. Pa źviestkach telehram-kanała Astra, u momant ataki nočču 26 śniežnia na karabli znachodzilisia 77 marakoŭ — 33 ź ich ličacca źnikłymi bieź viestak, 19 paranienyja.
Kamientary