Z Hrodzienskaha ŭniviersiteta zvolnili prafiesarku Śviatłanu Marozavu
Doktar histaryčnych navuk i prafiesarka kafiedry historyi Biełarusi, archieałohii i śpiecyjalnych histaryčnych dyscyplin Śviatłana Marozava bolš nie pracuje ŭ Hrodzienskim dziaržaŭnym univiersitecie imia Janki Kupały, zaŭvažyła Hrodna Life.
«Try hady tamu va ŭniviersiteckaj haziecie byŭ artykuł: «Tut hadujucca dynastyi: 80 hod Kupałaŭskamu ŭniviersitetu i 80 hod, addadzienych na jaho karyść siamjoj Marozavych». Jašče moj dzied raspačaŭ hetuju dynastyju — byŭ dekanam fiłfaka. Ad siońnia va ŭniviersitecie nie zastałosia Marozavych. 18 hod moj šlach byŭ poruč z univiersitetam, 20 — u dzieda, i 51 — u maci… abstaviny časam macniejšyja za nas», — napisaŭ u fejsbuku syn Śviatłany Marozavaj Siarhiej, były dacent kafiedry žurnalistyki HrDU imia Janki Kupały, kandydat histaryčnych navuk.
U kamientarach kalehi i vypuskniki adznačajuć, što ŭniviersitet straciŭ niamała śpiecyjalistaŭ i žadajuć pieražyć Śviatłanie adsutnaść pracy.
69-hadovaja Śviatłana Marozava — siabra «Asacyjacyi biełaruskich historykaŭ», «Biełaruskaha histaryčnaha tavarystva», «Tavarystva biełaruskaj movy», «Mižnarodnaj asacyjacyi biełarusistaŭ», Sankt-Pieciarburhskaha «Tavarystva historyi idej». Vykładała va ŭniviersitecie kursy: «Historyja Biełarusi», «Krynicaznaŭstva», «Krynicaznaŭstva historyi Biełarusi», «Historyja kultury Biełarusi», «Etnahienez biełarusaŭ», «Chryścijanstva ŭ histaryčnym losie biełaruskaha naroda (kaniec Ch — pačatak XX stahodździa), «Archivy Vialikaha Kniastva Litoŭskaha». U 2010 hodzie jaje ŭznaharodzili miedalom «Za zasłuhi pierad univiersitetam».
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos31
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1414
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes14
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary