Prezident Zurabišvili: Zaŭsiody było adčuvańnie, što Rasija — vorah Hruzii
«Ale niekatoryja heta nie ŭśviedamlajuć i siońnia», — miarkuje Sałame Zurabišvili.
Prezident Hruzii Sałame Zurabišvili zajaviła, što ŭ jaje prodkaŭ i ŭ jaje samoj zaŭsiody było adčuvańnie taho, što ŭ Hruzii na praciahu stahodździaŭ adzin vorah — Rasija, ale niekatoryja hetaha nie ŭśviedamlajuć i siońnia, piša «Hruzija Anłajn».
«Mahčyma, niekatoryja nie ŭśviedamlajuć hetaha, niekatoryja — nie chočuć hetaha razumieć, a niekatorych heta zadavalniaje. Ale heta fakt, jaki i sam (vorah) nie chavaje. Va ŭsim prasočvajecca hety fakt.
Mahčyma, u niejkija pieryjady paśla niezaležnaści Hruzii chtości moh padumać, što mahło być inšaje staŭleńnie z boku Rasii.
Mahčyma — ja nie viedaju — u Rasii chtości dumaje pra toje, što mohuć być inšyja adnosiny z susiedam. Ale siońnia hetaha niama, nie isnuje — niama nivodnaha znaka adtul, jaki pakazvaŭ by na toje, što ŭ Rasii jość śviadomaść ci žadańnie ŭstalavać raŭnapraŭnyja adnosiny sa svaimi susiedziami», — adznačyła kiraŭnik dziaržavy.
Čytajcie taksama:
U Hruzii razharajecca skandał z-za ikony z vyjavaj Stalina
Jany viernucca! Jak vyhnańniki ŭznačalili palityku postkamunistyčnaj Jeŭropy
U Abchazii pieradača dziaržaŭnaj dačy pad rezidencyju Pucinu vyklikała biesparadki
Ciapier čytajuć
Navukoviec raspavioŭ pra hieałahičnyja zahadki Biełarusi: rtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Kamientary