Mužčyna z Brazilii ceły hod kapaŭ jamu ŭ svaim domie, bo jamu pryśniŭsia schavany tam kład
Skončyłasia ŭsio trahična.
71-hadovy piensijanier byŭ apantany idejaj, što pad jahonaj majomaściu znachodzicca zołata. Jon bolš za hod vioŭ raskopki, kab znajści skarb, piša Daily Mail.
Mužčyna navat naniaŭ ludziej, kab tyja dapamahali kapać, i napačatku płaciŭ im kala 14 dalaraŭ u dzień. Čym hłybiejšaj rabiłasia jama, tym bolš była apłata za pracu. U vyniku piensijanier płaciŭ kala 102 dalaraŭ pamočnikam štodnia. Chadzili čutki, što mužčyna navat šukaŭ dynamit, kab paskoryć raskopki.
Na žal, 5 studzienia mužčyna ŭpaŭ u jamu, jakaja na toj momant była ŭžo hłybinioj 40 mietraŭ i mieła ŭsiaho 90 santymietraŭ u dyjamietry. Jon pamior ad atrymanych traŭm.
Supracoŭniki ekstrannych słužbaŭ, jakija prybyli na miesca hibieli, byli šakavanyja tym, što mužčyna zmoh vykapać nastolki hłyboki kałodziež pry dapamozie «prymityŭnych i archaičnych instrumientaŭ». Kab dastać cieła, ratavalniki spuskalisia na dno jamy ŭ maskach z kisłarodnymi bałonami.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam51
Kamientary