AAN: Va Ukrainie amal za dva hady vajny ŭžo zahinuli 10 200 mirnych žycharoŭ
Zvyš 19 300 cyvilnych asob atrymali ranieńni.
Pavodle źviestak AAN, va Ukrainie z pačatku rasiejskaha ŭzbrojenaha ŭvarvańnia ŭ lutym 2022 hoda zahinuła ŭžo bolš za 10 200 zahinułych mirnych žycharoŭ. Tolki paśla ŭzmacnieńnia rasijskich pavietranych udaraŭ u kancy śniežnia 2023 hoda pa ŭsioj Ukrainie zadakumientavana hibiel 125 cyvilnych asob, jašče bolš za 550 mirnych žycharoŭ byli paranienyja, paviedamiła dyrektarka Upraŭleńnia AAN pa kaardynacyi humanitarnych pytańniaŭ (UKHB) Edem Vasornu ŭ sieradu ŭ Ńju-Jorku, piša Deutsche Welle.
Vasornu, vystupajučy z dakładam na pasiadžeńni Rady Biaśpieki AAN pa vajnie va Ukrainie, taksama paviedamiła, što amal za dva hady vajny zvyš 19 300 cyvilnych asob atrymali ranieńni, a apošniaja sieryja rasijskich udaraŭ z pavietra vyklikała maštabnyja razbureńni damoŭ, škoł, balnic, sistemy enierhazabieśpiačeńnia i inšaj važnaj cyvilnych infrastruktury.
AAN pastajanna padkreślivaje, što realnaja kolkaść achviar vajny va Ukrainie značna vyšejšaja za zadakumientavanuju.
Pavodle danych Viarchoŭnaha kamisaryjata AAN pa spravach biežancaŭ, z pačatku vajny kala 6,3 młn ukraincaŭ źbiehła ŭ inšyja krainy. Bolšaść ź ich — kala 5,9 młn — asieła ŭ krainach Jeŭropy. U samoj Ukrainie naličvajecca jašče kala 3,7 młn pieramieščanych asob.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary