Na Vadochryšča sioleta možna budzie akunucca na minskim stadyjonie «Dynama»
Hałoŭnaja spartyŭnaja arena Biełarusi, Nacyjanalny alimpijski stadyjon «Dynama» ŭ Minsku, zrabiŭ niečakanuju prapanovu: na nastupnym tydni tam arhanizujuć masavyja kupańni.
U noč z 18 na 19 studzienia pravasłaŭnyja biełarusy buduć adznačać śviata Vadochryšča. Tradycyjna ŭ hetyja dni na vadajomach i ŭ cerkvach arhanizujuć vadochryščanskija kupańni: ludzi vierać, što z dapamohaj trochrazovaha apuskańnia ŭ aśviačonuju pałonku jany ačyściacca ad hrachoŭ.
Sioleta ździejśnić hety rytuał kiraŭnictva «Dynama» prapanavała prosta na terytoryi stadyjona, u centry Mienska. Tam 18 i 19 studzienia paabiacali pastavić pierasoŭnuju kupiel z łaźniaj.
«Kožny ŭdzielnik budzie mieć unikalnuju mahčymaść u centry Minska akunucca ŭ aśviačonuju vadu», — zapeŭnili arhanizatary mierapryjemstva.
Taksama jany taksama paabiacali haściam «śviežaje pavietra» i «lubimyja zimovyja zabavy» — masavyja katańni na kańkach, muzyčnaje supravadžeńnie, a taksama «smačnuju ježu i napoi».
Uvachod na mierapryjemstva paabiacali zrabić volnym, a pracavać pierasoŭnaja kupiel budzie 18 studzienia z 18:00 da 00:00, a 19 studzienia z 8:00 da 18:00.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk3
Kamientary