На Вадохрышча сёлета можна будзе акунуцца на мінскім стадыёне «Дынама»
Галоўная спартыўная арэна Беларусі, Нацыянальны алімпійскі стадыён «Дынама» ў Мінску, зрабіў нечаканую прапанову: на наступным тыдні там арганізуюць масавыя купанні.
У ноч з 18 на 19 студзеня праваслаўныя беларусы будуць адзначаць свята Вадохрышча. Традыцыйна ў гэтыя дні на вадаёмах і ў цэрквах арганізуюць вадохрышчанскія купанні: людзі вераць, што з дапамогай трохразовага апускання ў асвячоную палонку яны ачысцяцца ад грахоў.
Сёлета здзейсніць гэты рытуал кіраўніцтва «Дынама» прапанавала проста на тэрыторыі стадыёна, у цэнтры Менска. Там 18 і 19 студзеня паабяцалі паставіць перасоўную купель з лазняй.
«Кожны ўдзельнік будзе мець унікальную магчымасць у цэнтры Мінска акунуцца ў асвячоную ваду», — запэўнілі арганізатары мерапрыемства.
Таксама яны таксама паабяцалі гасцям «свежае паветра» і «любімыя зімовыя забавы» — масавыя катанні на каньках, музычнае суправаджэнне, а таксама «смачную ежу і напоі».
Уваход на мерапрыемства паабяцалі зрабіць вольным, а працаваць перасоўная купель будзе 18 студзеня з 18:00 да 00:00, а 19 студзеня з 8:00 да 18:00.
Жонка агента-каханка Анжалікі Мельнікавай звязаная з арганізацыяй Руская мадэль эфектыўнага спакушэння21
Каментары