Staŭki na aŭtamabili z terminam ekspłuatacyi da piaci hadoŭ pavysiacca niaznačna.
Pra heta paviedamiŭ na pres‑kanfierencyi ŭ Minsku 30 śniežnia načalnik upraŭleńnia taryfnaha rehulavańnia i mytnych płaciažoŭ Dziaržaŭnaha mytnaha kamiteta Biełarusi Siarhiej Połudzień.
Pavodle jaho słoŭ, surjoznaje pavyšeńnie stavak mytnych pošlin zakranie aŭtamabili z terminam ekspłuatacyi bolš jak piać hadoŭ. Pamier mytnaj staŭki budzie zaležać ad abjomu ruchavika, ad vartasnaha pakazčyka. «Pa niekatorych aŭtamabilach staŭki buduć pavialičany ŭ 7 razoŭ, pa niekatorych — u 10 razoŭ», — skazaŭ Połudzień.
Staŭki na aŭtamabili z terminam ekspłuatacyi da piaci hadoŭ pavysiacca niaznačna.
Dla fizičnych asob u miežach Mytnaha sajuza novyja praviły ŭvozu aŭtamabilaŭ pakul nie vyznačany. Načalnik pravavoha ŭpraŭleńnia DMK Alaksandr Adziarejka nahadaŭ, što praviły ŭvozu tavaraŭ dla fizičnych asob buduć vypracoŭvacca da 1 lipienia 2010 hoda. Heta aznačaje, što fizičnyja asoby da hetaha času zmohuć ŭvozić na mytnuju terytoryju Biełarusi aŭtamabili pa starych staŭkach.
Razam z tym, jak raniej zajaŭlali biełaruskija aŭtadylery, roznyja staŭki mytnych pošlin dla jurydyčnych i fizičnych asob mohuć pryvieści da taho, što na aŭtarynku atrymajuć raspaŭsiudžańnie cieniavyja schiemy kupli‑prodažu.
Dla aŭtadyleraŭ pavyšeńnie stavak aznačaje taksama jašče bolšaje padzieńnie prodažu ŭ nastupnym hodzie i, adpaviedna, padzieńnie vyručki i zarabotnaj płaty, dla biudžetu — źnižeńnie padatkovych pastupleńniaŭ. Letaś aŭtadylery prynieśli ŭ biudžet prykładna 50 młn. dalaraŭ.
Aprača taho, valutu z krainy aktyŭna pačnuć vyvozić aŭtaamatary ŭ pošukach bolš tannych aŭtamabilaŭ u Litvie abo Polščy.
Aŭtadylery ŭžo adreahavali na padrychtavanyja źmieny.
U śniežni ŭ paraŭnańni ź listapadam značna ŭzraśli abjomy ŭvozu impartnych aŭtamabilaŭ. «Tak, my nazirajem niekatory rost uvozu aŭtamabilaŭ», — paćvierdziŭ na pres‑kanfierencyi načalnik upraŭleńnia arhanizacyi mytnaha kantrolu DMK Mikałaj Burš. U suviazi z hetym staršynia DMK padpisaŭ zahad ab dziažurnym režymie pracy ŭsich punktaŭ mytnaha afarmleńnia.
«Chto płanavaŭ uvieźci da novaha hoda aŭtamabili pavodle starych praviłaŭ, toj uviazie. Dla hetaha Dziaržaŭny mytny kamitet robić usie nieabchodnyja zachady», — padkreśliŭ Burš.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary