«Hanarusia tym, što ja biełaruska!» 25-hadovaja tenisistka abjaviła pra zaviaršeńnie karjery
Vieru Łapko zamučyli prablemy z kaleniami.
«Chaču vykazać vialikuju padziaku ŭsim tym ludziam, jakija ščyra padtrymlivali i vieryli ŭ mianie na praciahu ŭsiaho majho tenisnaha šlachu. Dziakujučy vam ja stała tym hulcom i čałaviekam, jakim źjaŭlajusia. Vas było nie tak šmat, ale ja znaju i pamiataju ŭsie vašyja imiony i našu ich u svaim sercy. Dziakuj vam za vaš uniosak.
Taksama, chaču adznačyć i padziakavać kožnamu čałavieku, chto zaŭzieŭ, chvalavaŭsia i hladzieŭ maje matčy. Vašy promni padtrymki adčuvalisia na adlehłaści, a dobryja słovy ŭ paviedamleńniach sacsietak supakojvali paśla paraz», — napisała Viera Łapko ŭ svaim telehramie.
«Dziakuju kožnamu biełarusu, chto padtrymlivaŭ mianie na praciahu ŭsiaho majho tenisnaha šlachu. Dziakuj vam za toje, što byli pobač z usimi hulniami zbornaj, i nie tolki… Hanarusia tym, što ja biełaruska!» — napisała hety abzac pa-biełarusku Łapko.
Viera Łapko była finalistkaj junijorskich US Open i Uimbłdona ŭ parnym razradzie, a taksama pieršaj rakietkaj śvietu ŭ junijorskim rejtynhu. Najvyšejšaje miesca ŭ darosłym rejtynhu — 60-je ŭ kastryčniku 2018 hoda.
Ciapier čytajuć
«Adpuścicie, kali łaska, syna!» Amierykanca z amniezijaj, jaki nielehalna pryjechaŭ u Biełaruś, nie addajuć maci5
Kamientary
Čałaviek napisaŭ nievierahodnaje: hanarusia, što ja biełaruska.
Na nievierahodnaj movie napisaŭ.
Nie zaŭzieŭ. Nie viedaŭ. Hanarusia, što ciapier viedaju hetuju žančynu.